აბაშიშვილი: სლოვაკეთი ევროკავშირის თავმჯდომარე ქვეყანა ხდება, შესაბამისად მისი მხარდაჭერა საქართველოსთვის მნიშვნელოვანია

2016-05-30 10:41:32, 652 ნახვა

პოლიტიკა

პრეზიდენტის ადმინისტრაციის უფროსის გიორგი აბაშიშვილის განცხადებით, ვინაიდან სლოვაკეთი ევროკავშირის თავმჯდომარე ქვეყანა ხდება, საქართველოსთვის მისი მხარდაჭერა ძალიან მნიშვნელოვანია.

აბაშიშვილის თქმით, გიორგი მარგველაშვილმა მისი კოლეგა საქართველოში გასულ წელს მოიწვია და მნიშვნელოვანია, რომ სლოვაკეთის პრეზიდენტის ვიზიტი შედგა.

„ორი ქვეყნის პრეზიდენტებს შორის შეხვედრაზე საუბარი იქნება NATO-ში და ევროკავშირში საქართველოს ინტეგრაციაზე. სლოვაკეთი საქართველოს მნიშვნელოვანი მხარდამჭერია, თან მნიშვნელოვანია აღვნიშნოთ, რომ სლოვაკეთი ხდება ევროკავშირის თავმჯდომარე ქვეყანა და ამ კუთხით მისი მხარდაჭერა ძალიან მნიშვნელოვანია. ასევე განიხილება ორმხრივის ეკონომიკურ ჭრილში. მნიშვნელოვანია რომ შედგება ორი ბიზნესფორუმი თბილისში და აჭარაში. ასევე სლოვაკეთის პრეზიდენტი მოინახულებს სლოვაკურ ინვესტიციებს და ეწვევა საქართველოს რეგიონებს“, - განაცხადა აბაშიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან