თბილისში, რუსთაველის გამზირზე, პარლამენტის შენობის წინ, ორგანიზაციამ "საქართველოს  ალიანსი უსაფრთხო გზებისთვის", ფონდმა "პარტნიორობა საგზაო უსაფრთხოებისთვის", "საქართველოს ტრანსპორტისა და  გზების ასოციაციამ", "თბილისის ტრამვაიმ", "საქართველოს  საავტომობილო  ფედერაციამ", "საქართველოს საავტომობილო  სპორტის ფედერაციამ", ორგანიზაცია "იარე ფეხით", "საქართველოს  ჯანმრთელობის  ხელშეწყობისა და  განათლების ფონდმა", "ჯამპ სტარტ ჯორჯიამ" ქუჩის აქცია გამართეს.

სამოქალაქო სექტორის წარმომადგენლები მიმართავენ პარლამენტს და ითხოვენ დაუყოვნებლივ, საგაზაფხულო სესიის დასრულებამდე  მოხდეს "საგზაო  მოძრაობის შესახებ" კანონპროექტის  განხილვა, არასამათავრობო ორგანიზაციების  რეკომენდაციების  გათვალისწინებით კანონპროექტის  ოპტიმიზაცია და დამტკიცება, რადგან მათი შეფასებით,  სიტუაცია  გზებზე საგანგაშოა და  მოითხოვს  როგორც სამოქალაქო  სექტორის, ასევე სამთავრობო სექტორის  სასწრაფო რეაგირებას.

მესამე  სექტორში მიიჩნევენ, რომ  აღნიშნული კანონი ხელს შეუწყობს  საგზაო შემთხვევების  პრევენციას.

ამასთან, არასამთავრობოები ითხოვენ, კანონპროექტის  განხილვამდე  უმოკლეს ვადაში პროექტის ოპტიმიზაციის მიზნით, დაიგეგმოს შეხვედრა  პარლამენტში სამოქალაქო სექტორის წარმომადგენლებთან.

აქციის მონაწილეებს გამოტანილი ჰქონდათ პლაკატები  წარწერით:"საქართველოში  წელიწადში 600-ზე მეტი  ადამიანი იღუპება გზებზე", "თბილისში 44%-ით გაიზარდა სიკვდილიანობა გზებზე", "პარლამენტის უმოქმედობა  დანაშაულია!", "მოვითხოვთ კანონპროექტის მიღებას".

აქციის ბოლოს არასამთავრობო ორგანიზაციების წარმომადგენლებმა პარლამენტისთვის  გასაგზავნ ოფიციალურ წერილს მოაწერეს ხელი. 

კანონპროექტის ინიცირება პარლამენტში შინაგან საქმეთა სამინისტროს მიერ 2015  წლის 10 დეკემბერს მოხდა.  მისი უმნიშვნელოვანესი შემადგენელი მუხლებია  უკონტაქტო  პატრულირება/ქულათა სისტემა და სხვა  საგზაო შემთხვევების გამომწვევ სამართალდარღვევებზე სანქციების გამკაცრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”