ოკუპირებული აფხაზეთი ხვალ, არაღიარებული ქვეყნების ფეხბურთის ჩემპიონატის პირველ თამაშს უმასპინძლებს, - ამის შესახებ ინფორმაციას „სპუტნიკ-აფხაზია“ იუწყება.

მედია საშუალების იფნრომაციით, ფიფა-ს წარმომადგენლები სოხუმში, 30 მაისს ჩავლენ და დე-ფაქტო სახელმწიფოების ჩემპიონატის მიმდინარეობას დააკვირდებიან.

როგორც ფეხბურთის დამოუკიდებელი ასოციაციების კონფედერაციის (ConIFA) ვიცე- პრეზიდენტმა, დიმიტრი ფაღავამ განაცხადა, ჩემპიონატის მიმდინარეობას 16 მსაჯი გააკონტროლებს. თამაშებს კი, მსოფლიოს მასშტაბით 120 ჟურნალისტი გააშუქებს.

„ფიფა-ს წარმომადგენობა გააკონტროლებს თამაშების მიმდინარეობას და ჩვენი ფეხბურთელების თამაშს დააკვირდება“, - განაცხადა ფაღავამ.

ConIFA-ს ინფორმაციით, ფეხბურთის ჩემპიონატში, 12 არაღიარებული სახელმწიფოს საფეხბურთო გუნდი მიიღებს მონაწილეობას, მათ შორის არაღიარებული აფხაზეთის, ქურთისტანის, ჩრდილოეთ კვიპროსის, პენჯაბის, ჩაგოს კუნძულის, პადანიას, რეციას, ლაპლანდიას, სომალილენდის, სეკეის, კორეელების ერთობა იაპონიაში, დასავლეთ სომხეთის გუნდები. ConIFA სამომავლოდ მონაწილე გუნდების რაოდენობის გაზრდას აპირებს.

ConIFA-ს პრეზიდენტის, პერ ანდერს ბლინდის განცხადებით, ჩემპიონატის დაწყებამდე საქართველოს საგარეო საქმეთა სამინისტრომ ორგანიზაციის წევრები გააფრთხილა ოკუპირებულ აფხაზეთში დაგეგმილ ტურნირში მონაწილეობისგან თავი შეეკავებინათ.

სოხუმში „დინამოს“ სტადიონზე დე-ფაქტო სახელმწიფოების ფეხბურთის ჩემპიონატის გახსნის ცერემონია დღეს გაიმართება, 29 მაისს პირველი თამაში ჩატარდება, ფინალური თამაში კი, 5 ივნისს არის დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია