ქართული ოცნების ყოფილი წევრი, არმაზ ახვლედიანი გადაცემა "არჩევანში" პრემიერ-მინისტრ გიორგი კვირიკაშვილს აკრიტიკებს და ამბობს, რომ ის ყველაზე სუსტი პრემიერია საქართველოს ისტორიაში.

ახვლედიანი კვირიკაშვილის მისამართით აცხადებს, რომ მას ვერ გაუგია როგორ უნდა გახდეს ის [კვირიკაშვილი] იმ პარტიის თავმჯდომარე, რომელმაც ქვეყნის პოლიტიკური ვითარება ჩიხში შეიყვანა.

„ვერ გამიგია, როგორ არის გიორგი კვირიკაშვილი თანახმა, გახდეს იმ პარტიის თავმჯდომარე, რომელმაც გარკვეულწილად ქვეყნის პოლიტიკური ვითარება ჩიხში შეიყვანა. ამ ვაიპარტიის, ვითომ პარტიის თავმჯდომარე როგორ უნდა გახდეს,“ - აცხადებს არმაზ ახვლედიანი.

მისივე განცხადებით დღეს "ქართულ ოცნებაში" ქაოსია.

„ბევრს ვერ გაურკვევია, ვინ რჩება, ვინ მიდის და ისიც კი არ იციან ზუსტად, საბოლოო ჯამში გადაწყვეტილებას ვინ იღებს. ასეთი დაულაგებელი სისტემაა. გადაწყვტილების ფორმალურად მიმღები პრემიერი კვირიკაშვილი პრაქტიკულად არ მონაწილეობს ამ პროცესში,“ - აცხადებს არმაზ ახვლედიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა