საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის ხელშეწობით 12 მაისს, 20:00 საათზე საერთაშორისო ფოტოკვირეული KOLGA TBILISI PHOTO 2016 ფოტოკონკურსის წლის საუკეთესო ფოტოების ჩვენებითა და გამარჯვებულთა დაჯილდოებით დაიწყება (მისამართი: კოსტავას ქ. 53, ლეხაინდრაო პროდაქშენ (ძველი აბრეშუმის ფაბრიკა). 

როგორც "ექსპრესნიუსს" თბილისის მერიიდან აცნობეს, ფოტოკვირეული 12 მაისიდან 19 მაისის ჩათვლით უმასპინძლებს 15 მდე საერთაშორისო და ადგილობრივ, ჯგუფურ და ინდივიდუალურ გამოფენას, ვორქშოფებს და პორტფოლიოს განხილვებს. 

ცნობისთვის, საერთაშორისო ფოტოკონკურსი “ქოლგა” უკვე 15 წელია, რაც ყოველწლიურად წარმატებით მიმდინარეობს. წლევანდელ ფოტოკონკურსში მონაწილეთა რეკორდული მაჩვენებელი დაფიქსირდა და მასში მონაწილეობა მსოფლიოს 40-მდე ქვეყნის ფოტოგრაფმა მიიღო. ხოლო, წლის საუკეთესო ფოტოები 15 000 ფოტოდან შეირჩევა. მონაწილეთა მრავალფეროვნებამ და ფოტოკონკურსის საერთაშორისო დონემ განაპირობა კონკურსში მიღებული ფოტოების მაღალი ხარისხი. წელს ფოტოკონკურსი შემდეგ ნომინაციებში გამოცხადდა: დოკუმენტური სერია, რეპორტაჟი, კონცეპტუალური ფოტოპროექტი, ერთი კადრი და უკვე მესამედ ნომინაცია: მობილური ფოტო, ქვენომინაციებით ერთი კადრი და მობილური ფოტო სერია. წლევანდელი ფოტო კონკურსის გამარჯვებულებს საერთაშორისო ჟიური გამოავლენს და გამარჯვებულები 12 მაისს, “წლის საუკეთესო ფოტოების” ჩვენებაზე გამოცხადდებიან.
ფოტოკონკურსი “ქოლგას” საპრიზო ფონდი შეადგენს 6 000 აშშ დოლარის ექვივალენტს ლარში და ეს თანხა ოთხ ნომინაციაში გამარჯვებულებს თანაბრად გაუნაწილდებათ. მობილური ფოტო ნომინაციის კატეგორიაში გამარჯვებულებს (ქვენომინაციებში: ერთი კადრი და მობილური ფოტო სერია) გადაეცემათ სპეციალური პრიზი თიბისი ბანკისგან მობილური ტელეფონი Iphone 6.
ქოლგა თბილისი ფოტო 2016-ის გენერალური პარტნიორია: თიბისი ბანკი. სპონსორი: ქენონი და ატლას გლობალი. მუდმივი პარტნიორი - ქალაქ თბილისის მერია და კულტურისა და ძეგლთა დაცვის სამინისტრო. მხარდამჭერები: მეიდან ჯგუფი, სადაზღვევო კომპანია „არდი“, სააგენტო ლაიფი, ბრიტანეთის საბჭო, ბადაგონი, Rooms Hotel თბილისი. პარტნიორი მუზეუმები და გალერეები: საქართველოს ეროვნული მუზეუმი, ზურაბ წერეთლის თანამედროვე ხელოვნების მუზეუმი, ლიტერატურის მუზეუმი, გალერეა ლიჰტბლიკი და გალერეა კოპელმანი - Kunst Werk Nippes . მედია პარტნიორები: რუსთავი2, ტაბულა, არტარეა, რადიო კომერსანტი, ჟურნალი „თიბისი“ და ნეშენალ ჯეოგრაფიკი საქართველო.

დამატებითი ინფორმაცია ფოტოკვირეულის შესახებ:
2016 წლის ფოტოკვირეული უკვე მეხუთე წელია გაფართოებული ფორმატით ტარდება და ყალიბდება, როგორც საერთაშორისო ფოტოგრაფების და ფოტომოყვარულების შეხვედრის ადგილი მთელი მსოფლიოდან. KOLGA TBILISI PHOTO, ფოტოკონკურსი “ქოლგას” ფოტოჩვენების გარდა, 12 მაისიდან 19 მაისის ჩათვლით უმასპინძლებს 15 მდე საერთაშორისო და ადგილობრივ ჯგუფურ და ინდივიდუალურ ფოტოგამოფენის გახსნას. ფოტოკონკურსი "ქოლგას" წლის საუკეთესო ნამუშევრების ჩვენების გარდა გიწვევთ შემდეგ გამოფენებზე: სერგო ედიშერაშვილი (საქართველო), 
კაი ლოფელბაინის (გერმანია), დუგი უოლასი (შოტლანდია) და საიმონ ნორფოლკი (ინგლისი) ჯგუფურ გამოფენაზე, ანგუს ლედლი ბრაუნი(ინგლისი), სააგენტო Eror Images (საქართველო), სააგენტო Kontakt (საქართველო), საერთაშორისო ჯგუფური გამოფენა - ფლორა, ფაბიან ვაისი (გერმანია). ჯოანა ჩუმალი (კოტდიუარი) და ა.შ. 

ფოტოკვირეულის განათლების სექცია მოხარულია, რომ 2016 წელსაც მასპინძლობს საერთაშორისო ფოტოექსპერტების 6 ვორქშოფს და საერთაშორისო ფოტოგრაფის, კურატორის, არტ კრიტიკის პორტფოლიო განხილვებს, რაც საშუალებას აძლევს საქართველოში მცხოვრებ ფოტომოყვარულებს და პროფესიონალ ფოტოგრაფებს უფასოდ აიმაღლონ კვალიფიკაცია და მიიღონ საუკეთესო გამოცდილება. ამით, KOLGA TBILISI PHOTO ცდილობს თავისი წვლილი შეიტანოს საქართველოში ფოტოხელოვნების კიდევ უფრო პოპულარიზაციასა და განვითარებაში. ფოტოკვირეულის დეტალური პროგრამის სანახავად ეწვიეთ ვებ გვერდს www.kolga.ge 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.