2016-05-06 16:38:49, 1333 ნახვა
მსოფლიო
თურქული მედია: "ისლამურმა სახელმწიფომ" ქალაქი კილისი ისევ დაბომბა
თურქეთის ქალაქ ქილისის მისამართით სირიის ტერიტორიიდან კვლავ ცეცხლი გახსნეს, - ამის შესახებ თურქული გამოცემა Hurriyet იუწყება.
მედიის ინფორმაციით, ქალაქ ქილისში ორი ჭურვი ჩამოვარდა. ერთ-ერთი მათგანი ქალაქის ცენტრში საცხოვრებელი სახლის სახურავს დაეცა. გარდაცვლილებისა და დაშავებულების შესახებ ინფორმაცია არ გავრცელებულა.
როგორც Hurriyet წერს, სარაკეტო დარტყმები “ისლამური სახელმწიფოს” მიერ კონტროლირებადი ტერიტორიიდან განხორციელდა.
შეგახსენებთ, რომ ბოლო 4 თვის განმავლობაში სირიიდან გახსნილ ცეცხლს თურქეთის ქალაქ ქილისში 20-მდე ადამიანი ემსხვერპლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
