ამერიკის შეერთებულ შტატებში, ფლორიდის შტატის ქალაქ ორლანდოში „ძლიერთა თამაშების“ (Invictus Games 2016) მონაწილეთა მისალმების ცერემონია გაიმართა.

თავდაცვის სამინისტროს ინფორმაციით, ცერემონიაზე სხვა მონაწილეებთან ერთად საქართველოს თავდაცვის სამინისტროს დაშავებულ სამხედრო მოსამსახურეთა გუნდი წარადგინეს, შესრულდა საქართველოს სახელმწიფო ჰიმნი.

დაჭრილ სამხედრო მოსამსახურეთა გუნდის კაპიტანმა მაიორმა ბესარიონ ღუდუშაურმა და ღონისძიების ერთ-ერთმა ორგანიზატორმა აშშ-ის თავდაცვის დეპარტამენტის მხრიდან, თომას ლაკროსმა სიმბოლური საჩუქრები გაცვალეს.

საქართველოს ტერიტორიული მთლიანობისთვის გამართულ ბრძოლებსა და საერთაშორისო ოპერაციებში დაჭრილი სამხედრო მოსამსახურეები აშშ-ში, ქალაქ ორლანდოში, გაერთიანებული სამეფოს პრინცის, მისი აღმატებულება პრინც ჰარის პატრონაჟით გამართულ „ძლიერთა თამაშებში“ მონაწილეობენ. საერთაშორისო შეჯიბრება 8-12 მაისს უოლტ დისნეის ESPN სპორტულ კომპლექსში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ