ქალაქ ალეპოში განვითარებულ მოვლენებს ბოლო 24 საათის განმავლობაში ათობით ადამიანი ემსხვერპლა, - ამის შესახებ BBC ადამიანის უფლებების დაცვის ორგანიზაციებზე დაყრდნობით იუწყება.

აქტივისტების თქმით, ბოლო 1 წლის განმავლობაში ქალაქ ალეპოში ყველაზე მძიმე მდგომარეობა ფიქსირდება. მათივე ინფორმაციით, 2 კვირის განმავლობაში 300-ზე მეტი ადამიანია გარდაცვლილი.

Reuters-ის ინფორმაციით, შეტაკების შედეგად 40 სირიელი სამხედრო და 10 მეამბოხეა გარდაცვლილი.

შეგახსენებთ, რომ გაერო-ს უშიშროების საბჭო სირიის ქალაქ ალეპოში ვითარების ესკალაციის გამო დღეს საგანგებო სხდომას გამართავს. შეხვედრის გამართვის ინიციატორები საფრანგეთი და დიდი ბრიტანეთი იყვნენ.

ცეცხლის შეწყვეტის რეჟიმი სირიაში 27 თებერვალს გამოცხადდა, თუმცა გასულ კვირას ალეპოში ვითარება გამწვავდა.

3 მაისს სერგეი ლავროვმა გაერო-ს სპეციალურ წარმომადგენელთან სტეფან დე მისტურასთან შეხვედრისას იმედი გამოთქვა, რომ ალეპოში საბრძოლო მოქმედებების შეწვეტა უახლოეს საათებში მოხერხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა