უსუფაშვილი: ძნელია, ბოლომდე ვიზეიმოთ შეიარაღებული ძალების 25 წელი, როდესაც ქვეყნის ნაწილი კვლავ ოკუპირებულია

2016-05-04 11:28:03, 573 ნახვა

პოლიტიკა

ვაზიანში IV მექანიზირებული ბრიგადის ბაზაზე საქართველოს შეიარაღებული ძალების დაარსებიდან 25 წლისადმი მიძღვნილი საზეიმო ღონისძიება იმართება.

ღონისძიების მონაწილეებს საქართველოს პარლამენტის თავმჯდომარემ დავით უსუფაშვილმა სიტყვით მიმართა.

მან პარლამენტის სახელით შეიარაღებულ ძალებს იუბილე მიულოცა და განაცხადა, რომ ეს არის დღე, როდესაც საქართველო ერთიანია.

"ძნელია, ბოლომდე ვიზეიმოთ შეიარაღებული ძალების 25 წელი, როდესაც ქვეყნის ნაწილი კვლავ ოკუპირებულია. ჩვენი სახელმწიფო არ არის მთლიანი, მაგრამ ეს მისია, მე მგონი, თითოეულ ჩვენგანს კიდევ უფრო გვაძლიერებს, მეტ შემართებას გვმატებს და გვამხნევებს, რადგან ჩვენი ვალი სამშობლოს წინაშე პოლიტიკოსებს, სამხედროებს, მოქალაქეებს ჯერ კიდევ მოსახდელი გვაქვს. ეს არის ყველაზე საპატიო ვალი, ჩვენი სამშობლოს დაცვა, გამთლიანება და მშვიდობის უზრუნველყოფა", - განაცხადა დავით უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან