კობახიძე: ჩვენი მიზანია, ანგარიში თავად გომელაურმა წარადგინოს და არა მისმა რომელიმე მოადგილემ

2016-04-13 18:41:00, 512 ნახვა

პოლიტიკა

მიმდინარე კვირას საქართველოს სახელმწიფო უსაფრთხოების სამსახურის 2015 წლის საქმიანობის ანგარიშის მოსმენა უნდა გამართულიყო, თუმცა, როგორც ბიუროს სხდომაზე მანანა კობახიძემ განაცხადა, იქიდან გამომდინარე, რომ გომელაურს უახლოეს დღეებში მივლინებები აქვს დაგეგმილი, ის პარასკევის პლენარულ სხდომაზე მოსვლას ვერ შეძლებს.

„ჩვენი მიზანიცაა, რომ ანგარიში თავად გომელაურმა წარადგინოს და არა მისმა რომელიმე მოადგილემ“, - განაცხადა მანანა კობახიძემ, რასაც ბიუროს სხდომაზე კამათი მოჰყვა.

გიორგი ბარამიძის განცხადებით, ვახტანგ გომელაური პარლამენტში არ ჩამოდის ანგარიშის წარსადგენად, რადგან მიაჩნია, რომ ის ვერ გასცემს იმ კითხვებს პასუხს, რომელიც მის უწყებასთან დეპუტატებს დაუგროვდათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან