2016-04-12 09:27:45, 1226 ნახვა
მსოფლიო
მიხეილ სააკაშვილი რადას მოუწოდებს, ახალ მთავრობას მხარი არ დაუჭიროს
საქართველოს ყოფილი პრეზიდენტი და ოდესის ოლქის გუბერნატორი მიხეილ სააკაშილი უკრაინის უმაღლეს რადას მოუწოდებს, მინისტრთა კაბინეტის ახალ შემადგენლობას მხარი არ დაუჭიროს.
როგორც სააკაშვილმა ოდესაში გამართულ პრესკონფერენციაზე განაცხადა, უკრაინაში რეფორმებთან მიმართებაში არც ერთი დაპირება არ შესრულებულა.
„ვტკეპნით ერთ ადგილს უსასრულოდ. საჭიროა დაუყოვნებლივ დაიწყოს რეფორმების გატარება. მივმართავ პირველ რიგში პრეზიდენტს, მთავრობას და რადას, საქმე მხოლოდ იაცენიუკის გადაყენებაში არე არის“,-აღნიშნა სააკაშვილმა და დასძინა, რომ პრობლემა შიდა პროცესების მიმართ უკრაინის პრეზიდენტის მიდგომაშია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
