უკრაინას მოკავშირეებისგან დამატებით 20 მილიარდი დოლარის გამოყოფა სურს, რათა რუსეთზე დროებითი უპირატესობა გააძლიეროს.

ევროპული პრავდას ცნობით, ამის შესახებ უკრაინის თავდაცვის სამინისტროს წარმომადგენელმა Politico-სთან კომენტარში განაცხადა.

20 მილიარდი დოლარის მოთხოვნის შესახებ 18 ივნისს, უკრაინის თავდაცვის საკითხებზე საკონტაქტო ჯგუფის, რამშტეინის ფორმატის შემდეგ შეხვედრაზე გამოცხადდება.

„ყველა ხედავს, რომ რუსეთი იწვის და ჩვენ გვინდა, რომ ის კიდევ უფრო დაიწვას, მაგრამ ამისათვის დაფინანსება გვჭირდება“, - განაცხადა უკრაინელმა ჩინოვნიკმა, რომელმაც ანონიმურად დარჩენა ისურვა.

გამოცემის წყაროები იუწყებიან, რომ ეს საკითხი უკრაინის თავდაცვის მინისტრმა, მიხაილ ფედოროვმა და სხვა ჩინოვნიკებმა ნორვეგიის, შვედეთის, გერმანიისა და კანადის წარმომადგენლებთან შეხვედრების სერიის დროს წამოჭრეს.

წყაროს ცნობით, თითოეულ მოკავშირე ქვეყანას 2-დან 6 მილიარდ დოლარამდე შენატანი მოეთხოვება 20 მილიარდი დოლარის მიზნის მისაღწევად.

„ეს შეიძლება იყოს დახმარება ან სესხი“, - დასძინა უკრაინელმა ჩინოვნიკმა.

უკრაინის თავდაცვის სამინისტროს ცნობით, პარტნიორმა ქვეყნებმა უკვე აიღეს ვალდებულება, წელს 38 მილიარდი დოლარის სამხედრო დახმარება გამოყონ.

დამატებითი 20 მილიარდი დოლარი უკრაინას ნატოს გენერალური მდივნის, მარკ რუტეს მიერ დასახულ 60 მილიარდი დოლარის ორმხრივი დახმარების მიზანს მიუახლოვდება.

თუ დამატებითი 20 მილიარდი დოლარი გამოიყოფა, უკრაინა ამ თანხებს საჰაერო თავდაცვისთვის, PURL ინიციატივაში შენატანების გაზრდისთვის, დამატებითი დრონების, საბრძოლო მასალის, ელექტრონული საბრძოლო აღჭურვილობის, შორი მოქმედების იარაღის შეძენისა და უკრაინული თავდაცვის კომპანიებისგან პირდაპირი შესყიდვებისთვის გამოიყენებს.

მიზანია, ეს თანხები რუსეთზე სულ უფრო და უფრო დამანგრეველი თავდასხმების გასაგრძელებლად გამოვიყენოთ.

„შესაძლებლობების ფანჯარა მალე დაიხურება. რუსეთი სწრაფად და ინოვაციურად მოქმედებს. და თუ მას ადაპტაციის დროს კვლავ მივცეთ, შეიძლება დავკარგოთ ერთადერთი რეალური შანსი, რომ ეს ომი ნამდვილი მოლაპარაკებების გზით დავასრულოთ. და თუ რუსეთი საკუთარ საშუალო დარტყმის დრონებს შეიმუშავებს, ეს ჩვენთვის კატასტროფული იქნება“, - გააფრთხილა უკრაინელმა ოფიციალურმა პირმა.

ასევე გავრცელდა ინფორმაცია, რომ უკრაინა ევროპელ და ამერიკელ პარტნიორებთან თანამშრომლობს ევროპის ქვეყნებში ბალისტიკური რაკეტების ჩაჭრის უნარის მქონე საჰაერო თავდაცვის სისტემების წარმოების დასაწყებად.

როგორც თავდაცვის მინისტრმა ფედოროვმა აღნიშნა, უკრაინა თავისი ანტიბალისტიკური რაკეტების რესურსების 90%-ზე მეტს PURL ინიციატივის მეშვეობით იღებს.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"