პოლიტიკური პარტია ერთიანი ნაციონალური მოძრაობის განცხადებით, ისინი ოპოზიციის ალიანსის ერთგულები არიან, "რაც გამორიცხავს პარტნიორ სუბიექტებზე ნებისმიერი სახის თავდასხმას". 

ენმ ემიჯება პარტნიორ პარტიებზე თავდასხმას და პარტიის წევრებს და მხარდამჭერებს მოუწოდებს, დაიცვან აღნიშნული შეთანხმების წესები. 

"2026 წლის 2 მარტს, დემოკრატიულმა პოლიტიკურმა პარტიებმა ოპოზიციის ალიანსის შექმნის შესახებ შეთანხმებას მოვაწერეთ ხელი, რომელიც ივანიშვილის რეჟიმის წინააღმდეგ ბრძოლაში ჩვენს საერთო ხედვას, სტრატეგიასა და მიზნებს განსაზღვრავს.

შეთანხმება აგრეთვე განსაზღვრავს პარტიათა ურთიერთდამოკიდებულების და ქცევის პრინციპებს, რომელიც ხელმომწერ პარტიებს ავალდებულებს თავი შეიკავონ იმგვარი საჯარო განცხადებებისგან, რომელიც ემსახურება ალიანსის სხვა წევრი პარტიის დელეგიტიმაციას, რეჟიმთან და საქართველოს გარე მტრებთან გარიგების ბრალდებას, ერთმანეთის ცილისწამებას, ასევე ნებისმიერ თავდასხმასა და დისკრედიტაციას.

გვინდა მკაფიოდ განვაცხადოთ: ერთიანი ნაციონალირი მოძრაობა მიღწეული შეთანხმების ერთგულია, რაც გამორიცხავს პარტნიორ სუბიექტებზე ნებისმიერი სახის თავდასხმას.

ვემიჯნებით ნებისმიერ თავდასხმას პარტნიორ პარტიებზე და მოვუწოდებთ პარტიის ყველა წევრსა და მხარდამჭერს, დაიცვან აღნიშნული შეთანხმების წესები და მთელი ძალისხმევა ივანიშვილის დიქტატორული რეჟიმის დასასრულებლად “ოპოზიციის ალიანსის” გაძლიერებასაკენ მიმართონ". - ნათქვამია ენმ-ს განცხადებაში. 

10 მარტს, ენმ-ს წევრმა პეტრე ცისკარიშვილმა სოციალურ ქსელში პოსტი გააზიარა, რომელშიც საუბარი იყო ოპოზიციის ალიანსში შემავალ თავისუფლების მოედანზე და მათი წევრების მიერ გაკეთებულ განცხადებაზე, რომ მათ ენმ-ს ხელისუფლებასთან კავშირი არ ჰქონიათ. "ლატენტურიც აღარ ეთქმით, კოლექტიური ქოცისტანის ნაწილია ეს ხალხი!" - დაწერა ცისკარიშვილმა თავისუფლების მოედანზე. 

პოსტის კომენტარებში პარტია ფედერალისტების ლიდერმა თამარ ჩერგოლეიშვილმა ცისკარიშვილს უთხრა, რომ ის ოპოზიციის შეთანხმებას არღვევს: "რაღაცას რომ ხელს აწერ, მერე ის უნდა დაიცვა! დანარჩენს ალიანსში თქვენს წარმომადგენლებთან გავარკვევთ" - დაწერა ჩერგოლეიშვილმა, რაზეც ციკარიშვილმა უპასუხა: "მოდი, ტოლი ნახე კოჭი გააგორე რა".

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს