საქალაქო სასამართლოში თავდაცვის ეს მინისტრის, თინა ხიდაშელის გამოკითხვა დასრულდა. საქმე ეხება გამოძიებას, რომელიც სახელმწიფო უსაფრთხოების სამსახურმა დაიწყო. საქმე აღძრულია მუხლით, რომელიც „უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარებას“ გულისხმობს. 

ხიდაშელმა განმარტა, რომ არის კერძო პირი და წვდომა აქვს იმ ინფორმაციაზე, რომელიც არის საჯარო, მან ასევე დასძინა, რომ კითხვების დასმა ნორმალური პროცესია და ვერ ხედავს პრობლემას მოწმის სახით გამოკითხვაში. 

"ინგასთან ეთერში ჩემი გამოსვლით იყვნენ დაინტერესებული, ეს კითხვები მხოლოდ და მხოლოდ ამ თემაზე იყო. 

(...) რატომ აინტერესებდათ ეს გასაგებია, ეს ძალიან ნორმალურია იმიტომ, რომ ადამიანს შეიძლება რაიმე სხვა წყაროებიდან ჰქონდეს ინფორმაცია და ეს უნდა გაარკვიონ, ამიტომ ამაში არ არის პრობლემა.

მე იქაც ვუთხარი სასამართლოში და ახლაც შემიძლია გავიმეორო, რომ ჩემი ამოცანა მიღწეულია, მე მინდოდა როგორც ხდება ნორმალურ, ცივილიზებულ ქვეყნებში, ვიღაცა საყვირს ჩაბერავს საფრთხის შესახებ და მერე საგამოძიებო ორგანოები ამ საფრთხეს მოიკვლევენ.

როგორც ჩანს, ჩემი ამოცანა შესრულებულია, ისინი დაინტერესდნენ, თუ რამე საფრთხე ემუქრება ქვეყანას, იმედი დავიტოვოთ ამას გაარკვევენ, თუ არა ყველა მადლობას გადავუხდით, რომ გარკვეულია." - თქვა ხიდაშელმა. 

თავდაცვის ექს მინისტრმა ასევე ისაუბრა ეთერში გაკეთებულ განცხადებაზე და აღნიშნა, რომ არსად არ უთქვამს "რომ საქართველოში ამზადებენ ტერორისტებს." 

"ირანული უნივერსიტეტი დასანქცირებულია რამოდენიმე ქვეყნის მიერ, კანადის, აშშ-ს, გერმანიის მიერჩ სწორედ რეკრუტირების და ასე შემდეგ გრძელი ჩამონათვალია, ირანული უნივერსიტეტი, ეს არის ფაქტი, ეს წერია ყველა ამ დოკუმენტში, შეგიძლიათ წაიკითხოთ. 

რაც შეეხება, საქართველოს ამ უნივერსიტეტის ფილიალი, რომელიც მე გადაცემაშივე ვამბობ, რომელიც არც უნივერსიტეტია იმიტომ, რომ მას აკრედიტაცია არ აქვს და ის არ არის უნივერსიტეტი, საბედნიეროდ, არ არის აკრედიტაცია მიღებული, მაგრამ ფილიალი, რაღაც ტიპის წარმონაქმნი საქართველოში ფუნქციონირებს, რომელსაც სჭირდება მიხედვა.

მე არსად არ მითქვამს, რომ საქართველოში ამზადებენ ტერორისტებს, დიახ მე ახლაც გიდასტურებთ, რომ ეს უნივერსიტეტი ზუსტად ამის გამო არის დასანქცირებული მინიმუმ სამი ქვეყნის მიერ, კანადა, აშშ და გერმანია არის ფაქტი და არსებობს დოკუმენტები.." - განაცხადა მან. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს