2026-01-13 10:22:44, 780 ნახვა
პოლიტიკა
ტრამპი: ნებისმიერი ქვეყანა, რომელიც ირანთან საქმიან ურთიერთობას აწარმოებს, 25%-იან ტარიფს გადაიხდის
აშშ-ის პრეზიდენტმა დონალდ ტრამპმა თქვა, რომ ქვეყნებს, რომლებიც ირანთან საქმიან ურთიერთობას აწარმოებენ, 25%-იან ტარიფს უწესებს.
ეს განცხადება მან Truth Social-ზე გამოაქვეყნა და დაწერა, რომ განკარგულება "საბოლოო და შეუცვლელია".
დონალდ ტრამპის მიერ დაწესებული ტარიფები დაუყოვნებლივ ამოქმედდება.
"ნებისმიერი ქვეყანა, რომელიც ირანის ისლამურ რესპუბლიკასთან საქმიან ურთიერთობას აწარმოებს, ამერიკის შეერთებულ შტატებთან ნებისმიერი საქმიანი ურთიერთობისთვის 25%-იან ტარიფს გადაიხდის", - თქვა დონალდ ტრამპმა.
აშშ-ის პრეზიდენტის განკარგულება ჯერჯერობით არ არის გამოქვეყნებული თეთრი სახლის ვებ-გვერდზე.
ავტორი: ექსპრესნიუსი,
epn.ge (@expressnews.ge)
