„ევროპის სახალხო პარტიის“ პრეზიდენტმა არაადეკვატური და პოლიტიზირებული განცხადება გააკეთა, - ამის შესახებ ჟურნალისტებს საქართველოს პარლამენტის საგარეო ურთიერთობათა კომიტეტის თავმჯდომარემ, თედო ჯაფარიძემ განუცხადა.

„კიდევ ერთხელ მოვუწოდებ პოლიტიკურ პარტიებს ჩვენს ქვეყანაში და მის გარეთ, რომ ნუ გახდებიან ინსტრუმენტი შიდაპოლიტიკური ბრძოლების. იმ ბატონს, რომელმაც ეს განცხადება გააკეთა, საკმაოდ მაღალი თანამდებობა აქვს  „სახალხო პარტიის“ იერარქიაში. მას ვთხოვ და მოვუწოდებ, გაერკვეს, რა ხდება საქართველოში“,-აღნიშნა ჯაფარიძემ.

მისივე თქმით, პარტიის პრეზიდენტი ჩამოვა საქართველოში და  გააკეთებს განმარტებებს.

„მან განცხადება ფრანგულად გააკეთა, შემდეგ ითარგმნა ინგლისურად და ქართულად. შესაძლოა, რამე შეცდომასთან გვქონდეს საქმე. ჩამოვიდეს და უარყოს ან დაადასტუროს ეს განცხადება“, - აღნიშნა თედო ჯაფარიძემ.

ცნობისთვის, სამაუწყებლო კომპანია „რუსთავი 2“-მა „ევროპის სახალხო პარტიის“ პრეზიდენტის  ჯოზეფ დაულის ინტერვიუ გაავრცელა. ინტერვიუში ჯოზეფ დაული ამბობს, რომ "საქართველოში ოქტომბრის საპარლამენტო არჩევნების შედეგებზე იქნება დამოკიდებული, შეძლებენ თუ არა საქართველოს მოქალაქეები ევროკავშირის ქვეყნებში უვიზოდ გადაადგილებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.