პოლონეთის პრემიერ-მინისტრის დონალდ ტუსკის განცხადებით, ხელისუფლება პოლონეთის რკინიგზაზე, ვარშავასა და ლუბლინს შორის, კვირას მომხდარ ინციდენტს განზრახ დივერსიის აქტად მიიჩნევს.

„სამწუხაროდ, ყველაზე ცუდი ვარაუდები დადასტურდა. ვარშავა-ლუბლინის მარშრუტზე (სოფელ მიკაში) დივერსია განხორციელდა. ასაფეთქებელი მოწყობილობის აფეთქებამ რკინიგზის ლიანდაგები გაანადგურა. ადგილზე სამსახურები და პროკურატურა მუშაობენ. დაზიანება ასევე აღმოაჩინეს იმავე მარშრუტზე, ლუბლინთან უფრო ახლოს. უსაფრთხოების სამსახურები და პროკურატურა სოფელ მიკაში გამოძიებას აგრძელებენ. სამწუხაროდ, ეჭვგარეშეა, რომ საქმე დივერსიულ აქტთან გვაქვს. ამ სტრატეგიული რკინიგზის ხაზის კიდევ ერთ მონაკვეთზე, სადაც ლიანდაგები დაზიანდა, გამოძიება მიმდინარეობს“, - დაწერა მან სოციალურ ქსელში. 

შეგახსენებთ, კვირა დილით, ლუბლინი-ვარშავის მარშრუტზე მოძრავი მატარებლის მემანქანემ რკინიგზის ინფრასტრუქტურის გაუმართაობის შესახებ განაცხადა. საუბარია საკვანძო რკინიგზის ხაზის მონაკვეთიზე, რომელიც ვარშავას დოროჰუსკის სასაზღვრო გადასასვლელთან აკავშირებს. ამ მარშრუტს იყენებენ არა მხოლოდ მაზოვეცკის რკინიგზის მატარებლები, არამედ ლუბლინში, ხელმში და შემდგომ უკრაინაში მიმავალი მატარებლებიც.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს