საქართველოში წყლის რესურსების დაცვის საერთაშორისო დღე აღინიშნა

2016-03-23 20:06:57, 613 ნახვა

საზოგადოება

გარემოსდაცვითი ინფორმაციისა და განათლების ცენტრმა, ამერიკის შეერთებული შტატების საერთაშორისო განვითარების სააგენტოს პროექტი - ,,მმართველობა განვითარებისათვის - G4G“ სთან ერთად წყლის რესურსების დაცვის საერთაშორისო დღე აღნიშნა.

როგორც "ექსპრესნიუსს" გარემოსდაცვითი ინფორმაციის ცენტრმა აცნობა, ღონისძიების ფარგლებში გარემოსდაცვითი ინფორმაციისა და განათლების ცენტრში საინფორმაციო შეხვედრა გაიმართა უმაღლესი სასწავლებლების სტუდენტებთან.

საინფორმაციო შეხვედრაზე სტუდენტები გარემოსა და ბუნებრივი რესურსების დაცვის სამინისტროს სტრუქტურას, წყლის რესურსების მართვის ძირითად პრინციპებს, ასევე საჯარო სექტორში დასაქმების შესაძლებლობებს გაეცნენ.

ღონისძიების დასასრულს სტუდენტებმა საველე პრაქტიკის პირობებში, სპეციალისტებთან ერთად მზიურში მდინარე ვერედან წყლის სინჯები აიღეს და ლაბორატორიული ანალიზის საფუძველზე წყლის ელემენტების პარამეტრები გაზომეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან