პარტია ფედერალისტებმა ნარკოპოლიტიკის საკუთარი ხედვის პრეზენტაცია გამართეს, რომელიც პროფესორმა, ნარკოლოგმა ზურა სიხარულიძემ  წარადგინა. ზურა სიხარულიძე პარტიას შემოუერთდა და სწორედ ის იქნება ნარკოპოლიტიკის რეფორმის კოორდინატორი. 

ფედერალისტების ნარკოპოლიტიკის ხედვა ნარკოდამოკიდებულ მოქალაქეებთან მიმართებით სამედიცინო ზრუნვის კომპონენტის გაძლიერებას და შემაკავებელი ეფექტის არსებობისთვის, რეპრესიული ზომების მხოლოდ მას შემდეგ გამოყენებას ემყარება, რაც სახელმწიფოს ალტერნატიული ზომები უკვე გამოყენებული ექნება.

პროგრამა მსოფლიოს სხვადასხვა ქვეყანაში არსებულ გამოცდილებას ითვალისწინებს, თუმცა ის არ წარმოადგენს არცერთი მოდელის კოპირებას, რადგან ის სპეციფიკურად საქართველოში არსებულ კონტექსტს და ნარკოდამოკიდებულებასთან დაკავშირებულ გამოწვევებს პასუხობს.

"ჩვენი ხედვა არის აბსოლუტურად განსხვავებული რაც დღეს და ზოგადად 30 წლის განმავლობაში ხდებოდა  და მგონია, რომ საინტერესო იქნება საზოგადოებისთვის თუ როგორ ვხედავთ ამ პრობლემის გადაჭრის გზებს და რა არის მთავარი ამოცანები, რომელიც უნდა დასახოს ქვეყანამ იმისათვის, რომ მოხდეს პრობლემის გარკვეულწილად მოგვარება შეიძლება არა, მაგრამ სტაბილიზირება".- აცხადებს ზურა სიხარულიძე. 

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ