ჩუღურეთის რაიონში საცხოვრებელი სახლების გამაგრებითი სამუშაოები მიმდინარეობს

2016-03-23 14:27:59, 586 ნახვა

საზოგადოება

ჩუღურეთის რაიონში, ამხანაგობების განვითარების ხელშეწყობის პროგრამის ფარგლებში,ინიცირებული ინფრასტრუქტურული პროექტების განხორციელება გრძელდება.

როგორც „ექსპრესნიუსს“ თბილისის მერიიდან აცნობეს, ჩიტაიას N23-ში, წინამძღვრიშვილის N41-ში, გრემის N7-სა და ნათიშვილისN7 -ში საცხოვრებელ სახლებს გამაგრებითი სამუშაოები უტარდება, გამაგრდება სახლის საძირკველი, კედელი მოიჭიმება ლითონის ბადით. სარემონტო სამუშაოების ღირებულება შეადგენს 249 029 ლარს.

მათივე ინფორმაციით, სამუშაოებს ჩუღურეთის რაიონის გამგეობა 2015 წლის ბიუჯეტიდან 90%-ით დააფინანსებს, ხოლო ბინათმესაკუთრეთა ამხანაგობა სამუშაოების ღირებულების მხოლოდ 10%-ს გადაიხდის. აღნიშნულ მისამართზე ცხოვრობს 50 ოჯახი.

ამ დროისთვის, ჩუღურეთის რაიონში,ამხანაგობების განვითარების ხელშეწყობის პროგრამის ფარგლებში, სამუშაოები მიმდინარეობს 80 მისამართზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან