2025-08-27 01:27:35, 1609 ნახვა
საზოგადოება
დაღესტანში საქართველოს საზღვართან 6 ბალიანი მიწისძვრა იყო
რუსეთში, დაღესტანში, საქართველოს საზღვრიდან – 131კმ-ში მიწისძვრა მოხდა.
საქართველოს დედამიწის შემსწავლელ მეცნიერებათა და სეისმური მონიტორინგის ეროვნული ცენტრის ინფორმაციით, პირველადი მონაცემებით, მიწისძვრის სიმძლავრე 5. 5 მაგნიტუდას შეადგენდა. რუსეთის სეისმოლოგიური ცენტრის ინფორმაციით, მიწისძვრა 6 ბალს შეადგენდა.
მახაჩკალას, დერბენტის, კასპიისკის და ხასავიურტის მაცხოვრებლებმა ბიძგები დაახლოებით 23:30 საათზე იგრძნეს. ადგილობრივი მოსახლეობა ახალი ბიძგების შიშით გარეთ გავიდა.
ბიძგები ასევე იგრძნობოდა ჩეჩნეთში, ასტრახანში, პიატიგორსკში, აქტაუში, აზერბაიჯანში.
მიწისქვეშა ბიძგები საქართველოში, მათ შორის თბილისშიც იგრძნობოდა.
ავტორი: ექსპრესნიუსი,
epn.ge (@expressnews.ge)
