სამედიცინო ჯგუფ #0731-ში მისვლისთანავე, 60 წლამდე ასაკის მამაკაცი უგონო მდგომარეობაში იპოვეს. ის სააბაზანოს კართან იწვა. პულსი არ ჰქონდა, მაგრამ სუნთქვა აუტანელი ჰქონდა.

ექიმებმა პაციენტი მაშინვე მონიტორზე შეაერთეს და პარკუჭოვანი ფიბრილაცია დაუდგინეს, სიცოცხლისთვის საშიში მდგომარეობა, რომლის დროსაც გულის ნორმალური რიტმი ირღვევა.

დროის დაკარგვის გარეშე, ჯგუფმა რეანიმაცია დაიწყო: ელექტროშოკი და ადრენალინი გამოიყენეს. რეანიმაციული ღონისძიებები სულ 15 წუთი გაგრძელდა. ექიმს ელექტროშოკის 4-ჯერ გამოყენება მოუწია.

მედიკოსების დახმარებით, მეოთხე ელექტროშოკის შემდეგ, მონიტორზე სინუსური რიტმი დაფიქსირდა.

ჯგუფის ექიმებისა და მძღოლის პროფესიონალიზმის წყალობით, პაციენტი სასიცოცხლო ნიშნების აღდგენით თბილისის ერთ-ერთ კლინიკაში მოათავსეს, სადაც კარდიომიოპათია დადასტურდა, შესაბამისი კვლევები ჩატარდა და ამჟამად კლინიკაში მკურნალობას აგრძელებს.

ჯგუფ #0731-ში შედიოდნენ ექიმი მაგდა ღვინჟილია, უმცროსი ექიმი დავით ჩილაჩავა და სასწრაფო დახმარების მძღოლი ირაკლი წიკლაური.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს