ხელისუფლებამ ყვავილები შეამკო აგვისტოს ომში დაღუპული გმირების მემორიალთან მუხათგვერდის საძმო სასაფლაოზე.

ადგილზე იმყოფებიან მიხეილ ყაველაშვილი, პრემიერ-მინისტრი ირაკლი კობახიძე, პარლამენტის თავმჯდომარე შალვა პაპუაშვილი, „ქართული ოცნების“ გენერალური მდივანი და თბილისის მერი კახა კალაძე, ასევე მინისტრთა კაბინეტისა და პარლამენტის წევრები.

აგვისტოს ომის დაწყებიდან 17 წელი გავიდა. 2008 წლის აგვისტოში რუსეთ-საქართველოს ომში დაიღუპა საქართველოს თავდაცვის სამინისტროს 170 სამხედრო მოსამსახურე, საქართველოს შინაგან საქმეთა სამინისტროს 14 თანამშრომელი და 224 მშვიდობიანი მოქალაქე. დაჭრილი და დაშავებული მშვიდობიანი მოქალაქეებისა და სამხედრო მოსამსახურეების საერთო რაოდენობა 2232-ია, რომელთაგან 1045 სამხედრო მოსამსახურეა.

დღეს საქართველოს ტერიტორიის 20% კვლავ რუსეთის მიერ არის ოკუპირებული. რუსეთის ფედერაცია აგრძელებს საქართველოს რეგიონების - აფხაზეთისა და ცხინვალის რეგიონის ოკუპაციასა და მილიტარიზაციას, რეგულარულად ატარებს უკანონო სამხედრო წვრთნებს ქვეყნის ტერიტორიაზე, ინტენსიურად ამაგრებს საოკუპაციო ხაზს ეკლიანი მავთულხლართებითა და სხვადასხვა ხელოვნური ბარიერებით და აგრძელებს ადგილობრივი მშვიდობიანი მოსახლეობის უკანონო დაკავებისა და გატაცების პრაქტიკას.

აგვისტოს ომის შემდეგ რუსეთმა აღიარა ორი ქართული რეგიონის - აფხაზეთისა და „სამხრეთ ოსეთის“ დამოუკიდებლობა, თუმცა საერთაშორისო საზოგადოება კვლავ ერთგული რჩება საქართველოს ტერიტორიული მთლიანობის.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს