უკრაინული დრონების თავდასხმის შედეგად, სოჭის ადლერის რაიონში ნავთობის საწყობში ხანძარი გაჩნდა. ამის შესახებ ქალაქის მერმა ანდრეი პროშუნინმა განაცხადა. მისი თქმით, ცეცხლმა საწვავის ერთ-ერთი ავზი მოიცვა. გარდა ამისა, დრონის ნამსხვრევები ავიაციანაიას ქუჩაზე მდებარე ავტოფარეხის კოოპერატივის ტერიტორიაზე დაეცა, რამაც რამდენიმე შენობა დააზიანა. წინასწარი მონაცემებით, მსხვერპლი არ არის, აღნიშნა პროშუნინმა თავის Telegram არხზე.

კრასნოდარის მხარის გუბერნატორმა ვენიამინ კონდრატიევმა დაადასტურა ობიექტში ხანძრის ფაქტი. Astra-მ, ადგილობრივი მოსახლეობის ჩვენებებზე დაყრდნობით, დააზუსტა, რომ სოჭის აეროპორტის მახლობლად, ავიაციანაიას ქუჩაზე მდებარე „როსნეფტ-კუბანნეფტეპროდუქტ“-ის ნავთობის საწყობი იწვის. მანამდე, დრონებით თავდასხმის გამო საჰაერო ნავსადგურმა ფუნქციონირება შეაჩერა.

მასშტაბიანი უპილოტო საფრენი აპარატის თავდასხმა ვორონეჟის ოლქშიც დაფიქსირდა. რეგიონის ხელმძღვანელმა, ალექსანდრე გუსევმა, განაცხადა, რომ საჰაერო თავდაცვის ძალებმა 15 დრონი გაანადგურეს. თუმცა, შედეგები მოჰყვა: საცხოვრებელი და დამხმარე შენობები ცეცხლში გაეხვა, ხოლო ერთ-ერთი სახლი მთლიანად განადგურდა. გუბერნატორის თქმით, ოთხი ადამიანი დაშავდა - ორი ქალი და ერთი მამაკაცი საავადმყოფოში გადაიყვანეს, ხოლო კიდევ ერთ დაშავებულს ადგილზე დახმარება გაეწია.

რუსეთის თავდაცვის სამინისტროს ცნობით, 3 აგვისტოს ღამეს, საჰაერო თავდაცვის სისტემებმა „გაანადგურეს და ჩაჭრეს“ სულ 93 უკრაინული დრონი. აქედან 60 დრონი შავი ზღვის თავზე ჩამოაგდეს, 18 - ვორონეჟის ოლქში, შვიდი - ბელგოროდის ოლქში, სამი - ბრიანსკის ოლქში, ორი - კურსკის ოლქში, ასევე თითო-თითო დრონი ნიჟნი ნოვგოროდის ოლქში, კრასნოდარის ოლქში და ანექსირებულ ყირიმში.

ავტორი: ექსპრესნიუსი,

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ