სტატისტიკის ეროვნულმა სამსახურმა 2024 წლის ჯანმრთელობის მაჩვენებლები გამოაქვეყნა.

გამოქვეყნებული მონაცემებით, 2024 წელს საქართველოში 239 საავადმყოფო ფუნქციონირებდა. გარდა ამისა, ოფიციალური მონაცემებით, გასულ წელს ქვეყანაში 2,288 ამბულატორიული კლინიკა იყო. ამ დაწესებულებებში ექიმებთან 15.8 მილიონი ვიზიტი დაფიქსირდა, რაც 2.8%-ით მეტია 2023 წლის ანალოგიურ მაჩვენებელზე.

„2024 წლის მონაცემებით, რეგისტრირებული დაავადებების რაოდენობა (პირველი დიაგნოზით) წინა წელთან შედარებით ყველაზე მეტად შემდეგ ჯგუფებში გაიზარდა:

• თვალისა და მისი დანამატების დაავადებები (18%),
• ზოგიერთი ინფექციური და პარაზიტული დაავადება (15.4%),
• კუნთოვანი სისტემისა და შემაერთებელი ქსოვილის დაავადებები (14.8%),
• ნერვული სისტემის დაავადებები (13.6%),
• სასუნთქი გზების დაავადებები (11.4%).

დაავადებათა ძირითადი ჯგუფებიდან, მოსახლეობაში ყველაზე გავრცელებული იყო:

• სასუნთქი ორგანოები;
• თვალისა და მისი დანამატების დაავადებები;
• სისხლის მიმოქცევის სისტემები;
• სასქესო სისტემის დაავადებები;
• კუნთოვანი სისტემისა და შემაერთებელი ქსოვილის დაავადებები.

2024 წელს შიდსის 615 ახალი შემთხვევა დაფიქსირდა, რაც 3 ერთეულით მეტია 2023 წლის ანალოგიურ მაჩვენებელზე. შიდსით დაავადებულთა საერთო რაოდენობამ 10 006 შეადგინა. „2024 წელს შიდსით 131 ადამიანი გარდაიცვალა“, - ნათქვამია „საქსტატის“ მიერ გამოქვეყნებულ ინფორმაციაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს