„ტემპერატურის მატებასთან ერთად, ტყისა და მინდვრის ხანძრების რისკი იზრდება, რის გამოც მეხანძრეები და მაშველები ტყის ტერიტორიებს 24 საათის განმავლობაში პატრულირებენ“, - ნათქვამია საგანგებო სიტუაციების მართვის სამსახურის განცხადებაში.

სამსახური მოქალაქეებს მაღალი სამოქალაქო პასუხისმგებლობისკენ მოუწოდებს.

„გარემოს ეროვნული სააგენტოს ცნობით, უახლოეს დღეებში, როგორც დასავლეთ, ასევე აღმოსავლეთ საქართველოში მოსალოდნელია ტემპერატურის მატება, რაც ზრდის ტყისა და მინდვრის ხანძრების რისკს. ამასთან დაკავშირებით, საგანგებო სიტუაციების მართვის სამსახურმა გააძლიერა მონიტორინგი მთელი ქვეყნის მასშტაბით რისკის ზონებში. შესაძლო საფრთხეების პრევენციისა და თავიდან აცილების მიზნით, მეხანძრე-მაშველები და მაშველები ტყის ტერიტორიებს 24 საათის განმავლობაში პატრულირებენ ყველა საჭირო აღჭურვილობისა და ტექნიკის გამოყენებით.

საგანგებო სიტუაციების მართვის სამსახური მოუწოდებს მოქალაქეებს გამოიჩინონ მაღალი სამოქალაქო პასუხისმგებლობა - არ აანთონ ცეცხლი სასოფლო-სამეურნეო მიწებზე, ტყეებთან და მინდვრებთან ახლოს და არ დატოვონ ხანძარი უყურადღებოდ. წინააღმდეგ შემთხვევაში, მიღებული იქნება კანონით გათვალისწინებული შესაბამისი ზომები. „კვამლის ან ხანძრის აღმოჩენის შემთხვევაში, დაუყოვნებლივ დარეკეთ შინაგან საქმეთა სამინისტროს საზოგადოებრივი უსაფრთხოების მართვის ცენტრში ნომერზე 112“, - ნათქვამია სამსახურის განცხადებაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს