სოციალურ ქსელში გავრცელებული ვიდეოს შემდეგ, რომელშიც სავარაუდოდ ატმის ხელოვნური შეღებვის შემთხვევა იყო ასახული, სურსათის უვნებლობის ეროვნული სააგენტო იუწყება, რომ ოპერატიული რეაგირების შედეგად, გურჯაანის მუნიციპალიტეტის სოფელ ჩუმლაყში მცხოვრები პირი (მოქალაქე გ.უ.) იდენტიფიცირებულია.

სააგენტოს კახეთის რეგიონული სამმართველოს ინსპექტორებმა, შინაგან საქმეთა სამინისტროს წარმომადგენლებთან ერთად, შემოწმების დროს ატმის ნიმუშები ამოიღეს, რომლებიც ლაბორატორიულ კვლევაზე გაიგზავნება. შედეგები დამატებით გახდება ცნობილი.

სააგენტო ხაზს უსვამს, რომ რეგულარულად აკონტროლებს ყველა სახის საკვები პროდუქტის უსაფრთხოებას. სისტემატური მონიტორინგის ფარგლებში, ხილი, ბოსტნეული და ნესვი მოწმდება შემდეგი ნივთიერებების არსებობაზე:
• პესტიციდები,
• მძიმე მეტალები,
• რადიონუკლიდები,
• ნიტრატები და სხვა ნივთიერებები.

ასეთი კვლევების შედეგები საჯაროა და ქვეყნდება როგორც მედიაში, ასევე სააგენტოს ოფიციალურ ვებგვერდზე: nfa.gov.ge. (http://nfa.gov.ge/)

სააგენტოს წარმომადგენლები ასევე ახორციელებენ საექსპორტო ტვირთების ფიტოსანიტარიულ კონტროლს და სერტიფიცირებას, რაც უზრუნველყოფს მათ შესაბამისობას საერთაშორისო მოთხოვნებთან.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს