უსაფრთხოების დოკუმენტში საქართველოსთვის მთავარი საფრთხე ყოველთვის იყო რუსეთი - თქვენ ნახავთ, რომ საფრთხედ რუსეთი საერთოდ აღარ იქნება შეფასებული, - ასე გამოეხმაურა „სტრატეგია აღმაშენებლის“ ლიდერი, გიორგი ვაშაძე მთავრობის ხედვას, რომლის მიხედვითაც, ეროვნული უსაფრთხოების საბჭოს ლიკვიდაცია იგეგმება.

როგორც ვაშაძემ აღნიშნა, ეს არის პირდაპირ რუსული ინტერესებისა და დავალებების შესრულება.

„ქვეყნის უსაფრთხოება არის ერთ-ერთი ყველაზე მნიშვნელოვანი საკითხი. უსაფრთხოების საბჭო არის იმიტომ, რომ იქ არის წარმოდგენილი სხვადასხვა როლები, რამაც უნდა დააბალანსოს და სწორი სტრატეგიული გადაწყვეტილებების მიღებაში უნდა მიიღონ მონაწილეობა. როცა ხდება ამის გაუქმება, ეს ნიშნავს, რომ ამბობ უარს კოლეგიურად უზრუნველყოფილ უსაფრთხოებაზე, სადაც ერთ პირზე კი არ არის ჩამოკიდებული, არამედ სხვადასხვა უწყებების მონაწილეობაზე. ფაქტობრივად, ამას გვერდით წევ. უსაფრთხოების დოკუმენტში საქართველოსთვის მთავარი საფრთხე ყოველთვის იყო რუსეთი. აი, ეს არის რეალობა, რატომაც ხდება. ეს არის პირდაპირ რუსული ინტერესებისა და დავალებების შესრულება. იმიტომ, რომ უსაფრთხოების საბჭო ფორმალობებს მოიცავს, დოკუმენტები საჯაროა ჩვენთვისაც, ჩვენც ვხედავთ, რა არის იქ საფრთხედ შეფასებული. თქვენ ნახავთ, რომ საფრთხედ რუსეთი საერთოდ აღარ იქნება შეფასებული კობახიძის მიერ“, - განაცხადა გიორგი ვაშაძემ.

რაც შეეხება სხვა საკითხებს, ვაშაძემ თვითმმართველობის არჩევნებზეც ისაუბრა და აღნიშნა, რომ ის გეგმავს ესაუბროს ყველას, რათა კოორდინირებული და საერთო გადაწყვეტილება არსებობდეს.

„მე ვაპირებ, რომ შევხვდე და დაველაპარაკო ყველას, რათა რაც შეიძლება კოორდინირებული და საერთო გადაწყვეტილება გვქონდეს თვითმმართველობაზე. ეს არ არის არჩევნები, არჩევნებს სხვა სტანდარტები აქვს. ის რაც აქ არის, ყველაფერია არჩევნების გარდა. ეს არის რეალობა. დამკვირვებლები აღარ იქნება, არც ადგილობრივი, არც საერთაშორისო, შეცვალეს კანონი, გააუარესეს საარჩევნო სისტემა. პოლიტიკური ოპონენტები ციხეში... მინდა, რომ ყველას გვქონდეს საერთო პოზიცია, მათ შორის ამ საკითხთან დაკავშირებით“, - განაცხადა ვაშაძემ.

ამასთან, ვაშაძე „გახარია საქართველოსთვის“ ლიდერის, გიორგი გახარიას პარლამენტის დროებით საგამოძიებო კომისიაზე ხელმეორედ დაბარებასაც გამოეხმაურა. მისი თქმით, კომისია არის „კლოუნადა და გახარიამ თავად უნდა გადაწყვიტოს, მივა თუ არა“.

„თვითონ უნდა გადაწყვიტოს, მივა თუ არა. პირდაპირ ვამბობ, რომ „კლოუნადაა“ ეს კომისია, მეტი არაფერი. წულუკიანმა სულ „გააბანძა“ ეს კომისია და მთლიანად იქ რაც ხდება. კანონთან შემხებლობაში იქ არაფერი არაა და დაემსგავსა ვიწრო ჯგუფის ჭორაობას. წულუკიანს რამის თქმის თავი რომ ჰქონდეს და საზოგადოების არ ეშინოდეს, სასამართლოში მოვიდოდა და დაასაბუთებდა თავის პოზიციას. რატომ ეშინია სასამართლოში მოსვლის? რატომ არ მოდიან?“ - აღნიშნა ვაშაძემ.

ცნობისთვის, ეროვნული უსაფრთხოების საბჭო 2025 წლის 1-ელი სექტემბრიდან, შესაძლოა, გაუქმდეს. შესაბამისი საკანონმდებლო წინადადებით მთავრობა პარლამენტს მიმართავს.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა