სამოქალაქო აქტივისტებმა, მედიის მხარდაჭერის მიზნით, 19 ივნისს, კომუნიკაციების კომისიასთან, აქციას დააანონსეს.

აქტივისტმა, ტატო ქელბაქიანმა ბრიფინგზე განაცხადა, რომ ისინი 14:00 საათზე ავლაბრის მეტროსთან შეიკრიბებიან, საიდანაც კომუნიკაციების კომისიის მიმართულებით მსვლელობა გაიმართება.

ქელბაქიანმა მოქალაქეებს მოუწოდა, აქციას შეუერთდნენ და დასძინა, რომ „ახლა სიტყვის თავისუფლების დაცვა ძალიან მნიშვნელოვანია“.

„რუსული რეჟიმი საქართველოში თავისუფალი მედიის წინააღმდეგ შეტევას აგრძელებს. მათი მიზანია, არ ისმოდეს სიმართლის ხმა ქვეყანაში და მთელი საინფორმაციო სივრცე გაჯერებული იყოს ბინძური რუსული პროპაგანდით. ზუსტად ამ მიზნით, 19 ივნისს, 15:00 საათზე, ჩანიშნულია კომუნიკაციების ეროვნული კომისიის სხდომა, რომლის მიზანია, თავისუფალი ტელეკომპანიების - „ტვ პირველის“, „ფორმულას“ და „მთავარი არხის“ დაცენზურება და ამით თავისუფალი სიტყვის ჩახშობა. ეს არის რეჟიმის ერთ-ერთი ნაბიჯი, რომლის მიზანია მთლიანად სიმართლის ხმა აღარ ისმოდეს ქვეყანაში. ამიტომ აუცილებელია ამას წინ აღვუდგეთ და ამ მიზნით, სამოქალაქო აქტივისტები ვგეგმავთ აქციას. 19 ივნისს, 14:00 საათზე, შევიკრიბებით ავლაბრის მეტროსთან და გვექნება კომუნიკაციების კომისიის მიმართულებით მსვლელობა, სადაც გაიმართება საპროტესტო აქცია. ყველას მოვუწოდებთ, შემოუერთდნენ ამ აქციას. ძალიან მნიშვნელოვანია სიტყვის თავისუფლების დაცვა,“ - განაცხადა ქელბაქიანმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს