2025-06-02 15:32:59, 715 ნახვა
პოლიტიკა
ირაკლი კობახიძე პარლამენტში ყოველწლიური მოხსენებით 27 ივნისს გამოვა
პარლამენტში, 27 ივნისს, ყოველწლიური მოხსენებით პრემიერ-მინისტრი გამოვა. ირაკლი კობახიძის მოხსენება წერილობითი ფორმით პარლამენტს უკვე წარედგინა. ბიუროს გადაწყვეტილებით, კობახიძე პარლამენტს, პარლამენტის ტრიბუნიდან 27 ივნისს მიმართავს.
პრემიერ-მინისტრი ვალდებულია წელიწადში ერთხელ, საგაზაფხულო სესიის პლენარული სხდომების ბოლო თვეში პარლამენტს წარუდგინოს მოხსენება სამთავრობო პროგრამის შესრულების მიმდინარეობის შესახებ. აღნიშნული მოხსენება წერილობითი ფორმით პარლამენტს 1 ივნისამდე წარედგინება.
პარლამენტის რეგლამენტი პრემიერ-მინისტრის მოხსენების დასრულების შემდეგ, მისი მისამართით კითხვების დასმას და სიტყვით გამოსვლებს ითვალისწინებს.
ავტორი: ექსპრესნიუსი,
epn.ge (@expressnews.ge)
