კადეტთა სამხედრო ლიცეუმის მსმენელებმა ქედის რაიონის საჯარო სკოლების მოსწავლეებთან გაცნობითი ხასიათის შეხვედრა გამართეს. როგორც "ექსპრესნიუსს" თავდაცვის სამინისტროდან აცნობეს, ლიცეუმის ხელმძღვანელობამ ახალგაზრდებს ლიცეუმის საქმიანობისა და მიზნების შესახებ მიაწოდა ინფორმაცია.
უწყების ინფორმაციით,  მოსწავლეებს პრეზენტაცია I სასწავლო კურსის კადეტებმა წარუდგინეს და პირადად გააცნეს  ლიცეუმში ცხოვრებისა და სწავლების პირობები, ასევე ესაუბრნენ იმ გარემოებზე, რითაც გამორჩეულია ლიცეუმი სხვა ზოგადსაგანმანათლებლო დაწესებულებებისაგან. 
„კადეტებმა სკოლის მოსწავლეებს აუხსნეს, რომ ეს არის სახლი სახლიდან მოშორებით, სამხედრო წყობით, დისციპლინური სწავლებით, გუნდური მუშაობითა და ლიდერის თვისებით განვითარებით,“ - განაცხადა კადეტთა სამხედრო ლიცეუმის მეთაურმა, პოლკოვნიკმა ალექსი კეკელიამ.
როგორც ლიცეუმის მსმენელებმა მოსწავლეებთან შეხვედრის შემდეგ აღნიშნეს, ახალგაზრდებმა დიდი ინტერესი გამოიჩინეს სამხედრო სასწავლებლის მიმართ და ბევრმა მათგანმა ლიცეუმში სწავლის სურვილი გამოთქვა. განსაკუთრებული დაინტერესება კი გოგონების მხრიდან იყო.   
კადეტთა სამხედრო ლიცეუმს მსგავსი ტიპის შეხვედრები დაგეგმილი აქვს მარტისა და აპრილის თვეებში ხონის, ონის, ამბროლაურის, ზუგდიდის, წალენჯიხის, ცაგერის, ლენტეხის, მესტიის, ახალციხის, ბორჯომისა და თელავის სკოლის მოსწავლეებთან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ