გაფართოების საკითხებში ევროკომისარმა მარტა კოსიმ 29 აპრილს ბელგრადში ვიზიტის დროს სერბეთის პრეზიდენტს ალექსანდრ ვუჩიჩს ევროკომისიის გაფრთხილება გადასცა იმის შესახებ, რომ 9 მაისს მისი მოსკოვში ვიზიტი სერბეთის ევროკავშირში გაწევრიანების პროცესს გაართულებს.

ამის შესახებ გაფართოების საკითხებზე ევროკომისიის პრესსპიკერმა, გიომ მეღსიემ ბრიუსელში გამართულ ბრიფინგზე განაცხადა.

"ჩვენ გავაფრთხილეთ სერბეთი, რომ მოსკოვში ვიზიტმა შესაძლოა მოლაპარაკებების პროცესი და ევროკავშირში გაწევრიანებისთვის მზადება გაართულოს. ველოდებით სერბეთისგან მისი სტრატეგიული პრიორიტეტების დადასტურებას". - განაცხადა მეღსიემ.

მეღსიემ ასევე აღნიშნა ევროკომისიის პოზიციაა, რომ კანდიდატ ქვეყნებს არ უნდა ჰქონდეთ ურთიერთობა რუსეთთან ისე, თითქოს არაფერი მომხდარა.

რუსეთის საგარეო საქმეთა სამინისტროს სპიკერმა, მარია ზახაროვამ ევროკომისიის განცხადებას "სიგიჟე" უწოდა. 

მისი თქმით, მსგავსი ნაბიჯები მხოლოდ აძლიერებს რუსეთის პოზიციებს, რომელსაც ჰყავს თანამოაზრეები, რომლებმაც ნაციზმისა და ფაშიზმის დამარცხებაში საბჭოთა კავშირის ჭეშმარიტი როლის შესახებ იციან.

მანამდე, 15 აპრილს, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა კაია კალასმა ევროპელ ლიდერები გააფრთხილა, არ დაესწრონ მოსკოვში 9 მაისის სამხედრო ღონისძიებას და მოუწოდა მათ, სოლიდარობის ნიშნად უკრაინის გვერდით დადგნენ.​

ავტორი: ექსპრესნიუსი,

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს