არასწორი განცხადება იყო, ის თავისი შინაარსით გამორიცხავს თავგანწირვის მნიშვნელობას და აღიარებას, – ამის შესახებ პარტია „გირჩის“ ერთ-ერთმა ლიდერმა, იაგო ხვიჩიამ პარლამენტის ვიცე-სპიკერის, პარლამენტის საგამოძიებო კომისიის თავმჯდომარის, თეა წულუკიანის განცხადების შეფასებისას თქვა.

თეა წულუკიანმა 11 აპრილს განაცხადა, „რატომ არ არის დღეს გიორგი ანწუხელიძე სახლში? მე, ჩემს თანამებრძოლებთან ერთად, მაქვს უფლება, დავსვა ეს კითხვა. და ვინ ამიკრძალავს ამ კითხვის დასმას? ვერავინ. ყველა ბავშვს სჭირდება თავისი მშობელი სახლში და არა უაზროდ განწირული ვიღაცის პიარისთვის. ამ შემთხვევაში სააკაშვილს ვგულისხმობ“.

იაგო ხვიჩიას თქმით, „ასეთი განცხადება, თუ განზრახ არ არის ნათქვამი, არის შეცდომა და მობოდიშებას მოითხოვს“.

„არასწორი განცხადება იყო, ის თავისი შინაარსით გამორიცხავს თავგანწირვის მნიშვნელობას და აღიარებას. მის განცხადებას მგონი ზუსტად არ აქვს ნათელი წარმოდგენა იმის, რომ თავგანწირვაც ადამიანის უფლებაა, თითქოს ადამიანის მიერ საკუთარი სიცოცხლის გაწირვის უგულებელყოფა ხდება, როდესაც ამბობ, რომ ვიღაც თავისი პოლიტიკური პიარისთვის გამოიყენა და ასე შემდეგ, თითქოს გმირს არაფერი გაუკეთებია, უბრალოდ ის ვიღაცამ გაწირა. ასეთი განცხადება, თუ განზრახ არ არის ნათქვამი, არის შეცდომა და ჩემი აზრით, მობოდიშებას მოითხოვს“, – განაცხადა იაგო ხვიჩიამ.

ავტორი: ექსპრესნიუსი,

სოციალური ქსელები

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება

კიევში 7 ივლისი გლოვის დღედ გამოცხადდა

როგორ დაბრუნდა ქურდული ესთეტიკა TikTok-სა და მოზარდების სხეულებზე