საქართველოს ყოფილი პრემიერ-მინისტრის, პარტია “ქართული ოცნების” დამფუძნებლის, საპატიო თავმჯდომარის ბიძინა ივანიშვილის ქონება $6.7 მილიარდამდე შემცირდა. ამერიკული Bloomberg-ის თანახმად, რომელიც მსოფლიოს უმდიდრესი ადამიანების ქონების შეფასებას რამდენიმე კრიტერიმის მიხედვით ადგენს, წლის დასაწყისიდან დღემდე, ბიძინა ივანიშვილის ქონებამ $800 მილიონით, ანუ 10.7%-ით იკლო და 2024 წლის მაისის მდგომარეობას დაუბრუნდა. მხოლოდ გუშინდელი დღის შემდეგ, მილიარდერის ქონებამ $125 მილიონით შემცირდა.

კონკრეტულად რას უკავშირდება ქონების მკვეთრი შემცირება გამოცემას არ დაუზუსტებია, მაგრამ შეგვიძლია ვივარაუდოთ, რომ ეს კლება საფონდო ბირჟაზე არსებული დაღმავალი ტენდენციას უკავშირდება, რადგან ივანიშვილის მიერ შევსებული ბოლო დეკლარაციის თანახმად, მის ინვესტიციებს შორის გლობალური კომპანიების აქციებსაც ვხვდებით. Bloomberg-ის მიხედვით, ივანიშვილის ქონების დიდი ნაწილი ნაღდი ფულის სახით ინახება, მცირე ნაწილი კი — ხელოვნების ნიმუშებშია ინვესტირებული.

მნიშვნელოვანია ისიც, რომ ქართველი მილიარდერის ქონების შეფასების სარწმუნოებას Bloomberg-ი შესაძლო ხუთი ქულიდან მხოლოდ ერთით აფასებს, რაც ივანიშვილის ქონების კომპოზიციასთანაა დაკავშირებული. ყოფილი პრემიერ-მინისტრის ქონების დიდი ნაწილი კერძო აქტივებზე, მათ შორის კერძო კომპანიებზე და ხელოვნების ნიმუშებზე მოდის, რომელთა შეფასება შესაბამისი აუდიტის გარეშე საკმაოდ რთულია. მილიარდერის ოჯახი, როგორც ცნობილია, არაერთ კომპანიასაც ფლობს, როგორც საქართველოში, ასევე ოფშორულ ზონაში.

ამერიკული Bloomberg-ის თანახმად, ბიძინა ივანიშვილის ქონებამ მაქსიმალურ მაჩვენებელს მიმდინარე წლის თებერვალში მიაღწია, როცა ის $7.83 მილიარდი იყო. საპირწონედ ამისა, მილიარდერის ქონებას ყველაზე მცირედ Bloomberg 2020 წლის მარტში, ანუ პანდემიის დაწყების დროს აფასებდა — იმ დროს, მაჩვენებელი $4.95 მილიარდი იყო. საინტერესოა, რომ ყოფილი პრემიერ-მინისტრის ქონებას გაცილებით ნაკლებად აფასებს ამერიკული Forbes-ი, რომლის ბაზაში ივანიშვილი $2.7 მილიარდის ქონებას ფლობს, რითაც მსოფლიოში 1320-ე ადგილს იკავებს.

ავტორი: ექსპრესნიუსი,

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა