რუსეთის სარაკეტო დარტყმის შედეგად 14 დაღუპულია, მათ შორის 6 ბავშვი, რუსეთს არ სურს ცეცხლის შეწყვეტა, რუსეთი მხოლოდ ომს დაეძებს, - ასე ეხმაურება უკრაინის პრეზიდენტი, ვოლოდიმირ ზელენსკი რუსეთის საოკუპაციო ძალების მიერ 4 აპრილს უკრაინულ ქალაქ კრივი რიჰზე განხორციელებულ სარაკეტო დარტყმას.

„რუსულმა რაკეტამ ჩვეულებრივ ქალაქს დაარტყა, პირდაპირ მოხვდა ქუჩას, სადაც საცხოვრებელი შენობებია. წინასწარი ანგარიშებით, სავარაუდოდ, ეს ბალისტიკური რაკეტით დარტყმა იყო. ამ მომენტისთვის 14 გარდაცვლილი დადასტურებულია, მათ შორის ექვსი ბავშვი. ვუსამძიმრებ მათ ოჯახებსა და ახლობლებს.

სამაშველო ოპერაცია მიმდინარეობს, როგორც მინიმუმ ხუთი საცხოვრებელი შენობა დაზიანდა.

რუსული დარტყმები ყოველ დღე ხდება. ხალხი ყოველდღე კვდება. რუსეთს არ სურს ცეცხლის შეწყვეტა და ამას ვხედავთ. მთელი მსოფლიო ხედავს ამას. ყოველი რაკეტა, ყოველი თავდასხმითი დრონი ადასტურებს, რომ რუსეთი მხოლოდ ომს დაეძებს. მხოლოდ მსოფლიოს ზეწოლას რუსეთზე, ყველა ძალისხმევას უკრაინის გასაძლიერებლად, ჩვენს საჰაერო თავდაცვასა და ჩვენს ძალებს - შეუძლია განსაზღვროს, როდის დასრულდება ომი.

შეერთებულ შტატებს, ევროპასა და დანარჩენ მსოფლიოს აქვთ უნარი აიძულონ რუსეთი მიატოვოს ტერორი და ომი და ეს უზრუნველყოფილ უნდა იქნას - მშვიდობა საჭიროა”, - წერს ზელენსკი.

ავტორი: ექსპრესნიუსი,

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა