კოალიცია ცვლილებისთვის განცხადებით, ისინი რეჟიმის პატიმრების ოჯახის წევრების მიერ 8 აპრილს დაგეგმილ აქციას უერთდებიან და ღამეს პარლამენტთან გაათენებენ. 

"2 აპრილს რეჟიმის ტყვეების ოჯახის წევრებმა საზოგადოებრივი მოძრაობა დააფუძნეს და 8 აპრილს პარლამენტთან ღამის გასათევად იკრიბებიან. კოალიცია ცვლილებისთვის მათ ინიციატივას ვუერთდებით - 8 აპრილის ღამიდან პარლამენტთან ვიქნებით და 9 აპრილის ისტორიულ დღეს თანამებრძოლებთან ერთად შევხვდებით.

სინდისის პატიმრებისა და მათი ოჯახის წევრების მხარდაჭერა უმნიშვნელოვანესია. თავისუფლება რეჟიმის ტყვეებს". - წერია კოალიციის განცხადებაში.

რეჟიმის პატიმრების ოჯახის წევრების ერთობლივი განცხადებით, წინააღმდეგობის მოძრაობას იწყებენ. მათი თქმით, 8 აპრილს პარლამენტთან შეიკრიბებიან და 9 აპრილს დაღუპულთა სულების პატივსაცემად, ღამეს გაათენებენ.

იქამდე, 1-ელ აპრილს, პაატა ბურჭულაძემ ვიდეომიმართვა გაავრცელა, სადაც მან მოქალაქეებს 8 აპრილს პარლამენტთან შეკრებისკენ და არდაშლისკენ მოუწოდა. 

ავტორი: ექსპრესნიუსი,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა