2025-03-26 13:46:13, 584 ნახვა

---

ანა დოლიძე - კახა კალაძე გეოპოლიტიკის განხილვას შეეშვას და გვიპასუხოს, თუ რატომ არ აკეთებს საჯარო სივრცეების უსაფრთხოების აუდიტს

კოალიცია ,,ხალხისთვის - ძლიერი საქართველოს“ ერთ-ერთი ლიდერი, ანა დოლიძე მთაწმინდის პარკში მომხდარ ტრაგედიას საკუთარ სოციალურ ქსელში ეხმაურება.

,,2022 წლის 4 ნოემბერს, ვაკის პარკში მომხდარი ტრაგედიის შემდეგ, ჩვენმა პარტიამ - ,,პარტია ანა დოლიძე-ხალხისთვის“ ქ. თბილისის საკრებულოში წარვადგინეთ უსაფრთხოების აუდიტის შესახებ ინიციატივა, რომელიც ითვალისწინებდა ქ.თბილისის ტერიტორიაზე არსებული საჯარო სივრცეების შემოწმებას. ქ.თბილისის საკრებულომ ჩვენი ინიციატივა არ განიხილა. გუშინ, მთაწმინდის პარკში მორიგ უნიათობას და მორიგ მიუხედაობას ახალგაზრდა ადამიანის სიცოცხლე შეეწირა. კახა კალაძე, ირაკლი კობახიძე - რას იზამთ ახლა? რას შვებით? ამ თემებზე გვიპასუხეთ და გაეშვით გეოპოლიტიკის განხილვას, მაინც არ არის ეგ თქვენი საქმე. კახა კალაძე გეოპოლიტიკის განხილვას შეეშვას და გვიპასუხოს, თუ რატომ არ აკეთებს საჯარო სივრცეების უსაფრთხოების აუდიტს“, - წერს ანა დოლიძე.

აღნიშნულ ინფორმაციას პარტიის პრესსამსახური ავრცელებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი