ოპოზიციაში სრული ქაოსია, სალომე ზურაბიშვილზეც ვერ გაურკვევიათ, თამარ მეფეა თუ მოღალატე, ინსტრუქციების გარეშე დარჩენილები კინკლაობაზე არიან გადასული, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა.

მაჭავარიანის თქმით, „ევრობიუროკრატები დაკავებული არიან გაცილებით მასშტაბური საკითხებით, ვიდრე რადიკალური ოპოზიციისთვის „მესიჯბოქსების“ და ინსტრუქციების გამოშვებაა“.

„ნაციონალური მოძრაობა“ შეშინებულია, მით უმეტეს, საგამოძიებო კომისიის მუშაობის გამო. ბოლომდე გამარგინალიზებულია და თითქოს, რაღაც ახალი დღის წესრიგის შეთავაზებას ცდილობენ. თან მათი უცხოელი უფროსებისგან კოლექტიური „ნაცმოძრაობის“ მიმართ „მესიჯბოქსებიც“ აღარ მიდის, რადგან ევრობიუროკრატები და ბრიუსელის ბიუროკრატები დაკავებული არიან გაცილებით მასშტაბური საკითხებით, ვიდრე რადიკალური ოპოზიციისთვის „მესიჯბოქსების“ და ინსტრუქციების გამოშვებაა. სრული ქაოსია. სალომე ზურაბიშვილზეც ვერ გაურკვევიათ, თამარ მეფეა თუ მოღალატე. ინსტრუქციების გარეშე დარჩენილები კინკლაობაზე არიან გადასულები. ოთხივე პარტიის შემადგენლობაში მყოფი ადამიანები ერთმანეთის მიმართ დიდი სიმპათიით არ გამოირჩევიან. ვიდრე ახალი ინსტრუქცია წამოვა, თავიანთი ინსტრუქციებით გამოდიან, მაგრამ როგორც კი უცხოეთიდან ახალი ბრძანება იქნება, ისინი ამას დაემორჩილებიან“, – განაცხადა ლევან მაჭავარიანმა.

ავტორი: ექსპრესნიუსი,

სოციალური ქსელები

უკრაინული დრონების შემდეგ, ომსკის ოლქში ბენზინგასამართ სადგურებთან კილომეტრობით რიგები წარმოიქმნა

დიპლომატიის აკადემიის რექტორის თანამდებობაზე თამარ ბერუჩაშვილი დაინიშნა

გიორგი ბახუაშვილი ქართული ოცნების სუს-ის უფროსის მოადგილედ დაინიშნა

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს