უკრაინისა და რუსეთის საკითხებში დონალდ ტრამპის სპეციალური წარმომადგენელი, გენერალი კიტ კელოგი აცხადებს, რომ ევროპა უკრაინის შესახებ სამშვიდობო მოლაპარაკებების ნაწილი არ ექნება.

„როდესაც მაგიდასთან სხდებით, რეალურად არის ორი პროტაგონისტი და ერთი, იმედია, შუამავალი. უნდა გვყავდეს უკრაინელები, რუსები და, რა თქმა უნდა, ამერიკელები მაგიდასთან მოსაუბრედ“, – განაცხადა კიტ კელოგმა.

კელოგმა აღნიშნა, რომ უკრაინის გამორიცხვა მოლაპარაკებებიდან არასდროს ყოფილა განხილვის საგანი.

„როდის გვითქვამს, რომ უკრაინელები გამოირიცხებიან დისკუსიიდან? ეს არასდროს თქმულა. პრეზიდენტი ტრამპი ამის შესახებ ძალიან ღიად საუბრობს“, – განაცხცადა კელოგმა.

წამყვანის კითხვაზე, რატომ არ უნდა იყვნენ ევროპელები მოლაპარაკებების მაგიდასთან, მაშინ როცა მათ ამერიკელებზე მეტი დახმარებაც კი გაუწიეს უკრაინას, კელოგმა მინსკის შეთანხმების მაგალითი მოიყვანა.

„მინსკი 2-ის პრობლემა იყო ის, რომ მაგიდასთან ბევრი ისეთი ადამიანი იჯდა, ვისაც რეალურად არ ჰქონდა სამშვიდობო პროცესის განხორციელების უნარი და ის ჩაიშალა. ჩვენ აღარ წავალთ ამ გზით. ჩვენი ფილოსოფია არ არის ამ ომის გაგრძელება ბოლო უკრაინელის სიკვდილამდე. მიზანია, შევაჩეროთ ხოცვა-ჟლეტა, შევაჩეროთ ომი. დავრწმუნდეთ, რომ სუვერენიტეტი ხელშეუხებელი რჩება“, – განაცხადა კელოგმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს