2025-02-14 14:42:39, 409 ნახვა
მსოფლიო
კაია კალასი - რუსეთმა უგუნურად შეუტია ჩერნობილის ატომურ ელექტროსადგურს, რუსეთი მშვიდობას არ ეძებს
რუსეთმა კვლავ უგუნურად შეუტია ჩერნობილის ატომურ ელექტროსადგურს. ასეთი თავდასხმები სამოქალაქო ბირთვულ ობიექტებზე მიუღებელია, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი სოციალურ ქსელ X-ზე წერს.
„ეს კიდევ ერთხელ აჩვენებს, რომ რუსეთი მშვიდობას არ ეძებს“, - წერს კალასი.
შეგახსენებთ, უკრაინული მხარის ინფორმაციით, რუსებმა ჩერნობილის ატომური ელექტროსადგურზე დრონით თავდასხმა განახორციელეს. რის შედეგადაც განადგურებული მე-4 ენერგობლოკის საფარი დაზიანდა, რომელიც მსოფლიოს რადიაციისგან იცავს.
ავტორი: ექსპრესნიუსი,
epn.ge (@expressnews.ge)
