„ლელოს“ წევრის, ანა ნაცვლიშვილის განცხადებით, პირველ რიგში, საქართველოს მოქალაქეების მოთხოვნაა, რომ ქვეყანაში ჩატარდეს ახალი, სამართლიანი არჩევნები.

ანა ნაცვლიშვილი ამბობს, რომ დემოკრატიული საერთაშორისო საზოგადოება მხარს უჭერს იმას, რასაც ხალხი ითხოვს.

„პირველ რიგში თუ ვინმე ითხოვს ახალ და სამართლიან არჩევნებს, ეს არის საქართველოს ათიათასობით მოქალაქე. „ქართულ ოცნებას“ ძალიან დიდი ხანია, აღარ ესმის საქართველოს მოქალაქეების ხმა, რადგან პირდაპირი ხაზით არიან მიბმული და რასაც უკარნახებს რუსეთი, იმას ასრულებენ ყურმოჭრილად. პირველ რიგში, ამ ქვეყნის მოქალაქეების მოთხოვნაა, რომ ჩატარდეს ახალი, სამართლიანი არჩევნები, ვინაიდან 26 ოქტომბრის რუსული სპეცოპერაცია არის ქართველი ხალხის ნების მოპარვა და მიტაცება. შესაბამისად, იმას, რასაც ითხოვს ხალხი, მხარს უჭერს დემოკრატიული საერთაშორისო საზოგადოება. „ქართულმა ოცნებამ“ საქართველოს თითოეულ მოქალაქეს და ამ ქვეყანას მიაყენა უზარმაზარი ზიანი, არანაირი სიკეთე აღარ არის მოსალოდნელი ამ რეჟიმის პირობებში, მხოლოდ ვითარების ძალიან სერიოზული დამძიმება. მესამე თვე დაიწყო უკვე, ამიტომ დგას ფეხმოუცვლელად ათიათასობით მოქალაქე და აპროტესტებს იმას, რაც მიიტაცა რუსულმა რეჟიმმა 26 ოქტომბერს. გამოსავალი არის ახალი, სამართლიანი არჩევნები. რამდენიც არ უნდა ეცადონ, რომ ეს საკითხი გადადონ, საბოლოო ჯამში, მაინც მოუწევთ მინიმალური სტანდარტების მქონე სამართლიანი არჩევნების ჩატარება“, – აღნიშნა ანა ნაცვლიშვილმა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”