საქართველოს პარლამენტის თავმჯდომარე დავით უსუფაშვილი პოლიტსაბჭოზე მიღებულ გადაწვეტილებას გამოემხაურა, რომლის მიხედვითაც  საკონსტიტუციო ცვლილების ინიცირება მოხდება და კონსტიტუციაში ჩაიწერება, რომ ქორწინება ქალისა და მამაკაცის კავშირია. უსუფაშვილის თქმით,  კონსტიტუციით, საქართველოში ქორწინება არის მხოლოდ და მხოლოდ მამაკაცსა და ქალს შორის ნებაყოფლობით კავშირი და ამ საკითხს ზედმეტი კონსტიტუციური ცვლილება არ სჭირდება.

პარლამენტის თავმჯდომარის შეფასებით,  საკონსტიტუციო ცვლილების ინიცირება, რომ ქორწინება ქალისა და მამაკაცის  ერთობაა,  არასწორი და კონტრპროდუქტიულია:

"რესპუბლიკური პარტია" საქართველოში მოქმედი კანონმდებლობით ქორწინებას აღიარებს  როგორც ქალისა და მამაკაცის ნებაყოფლობით ერთობას და არაფერს სხვას. შესაბამისად, ჩვენი კანონმდებლობა   და კონსტიტუცია ამ თვალსაზრისით სამართლებრივად არ არის ნაკლული. ამ თემით  უხალოესი თვეების და საარჩევნო პროცესის დომინირება, ეს არ შედის საქართველოს ინტერესებში, ქართველი  ხალხის ინტერესებში, ვინაიდან ჩვენ გვაქვს ძალიან ბევრი მნიშვნელოვანი თემა.  საკითხის მოგვარების პოლიტიკური მხარე უფრო ემსგავსება პოლიტიკურად დანაღმულ ველზე შებიჯებას, პოლიტიკური მახისკენ ნაბიჯს. ამიტომ პოლიტიკურ შეცდომად ვთვლით ჩვენ ამას და ამიტომ "რესპუბლიკური პარტია" ამ ინიცრების პროცესს პოლიტიკურად გაემიჯნა.

ჩვენ პატივს ვცემთ ინდივიდუალურ მოსაზრებებს როგორც ჩვენიი კოლეგა კოალციის წევრების, ისე საკუთარი პარტიის წარმომადგენლების, ვინაიდან ბევრი ამ საკითხს განიხილავს წმინდა მორალურ ჩარჩოში და არ განიხილავს პოლიტიკურ ჩარჩოში", - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა