საქართველოს პრემიერ-მინისტრი ირაკლი კობახიძე გამოეხმაურა „ქართული ოცნების“ წევრის, თეა წულუკიანის განცხადებას, რომ მმართველი გუნდი ევროპის საბჭოს საპარლამენტო ასამბლეაში მუშაობას წყვეტს. მისი თქმით, ეს გადაწყვეტილება „აბსოლუტურად უალტერნატივო“ იყო და ასამბლეაში დარჩენას აზრი აღარ ჰქონდა.

„ძალიან მნიშვნელოვანი იყო ის გადაწყვეტილება, რომელიც ქალბატონმა თეა წულუკიანმა გამოაცხადა ჩვენი დელეგაციის სახელით. რა თქმა უნდა, ეს გადაწყვეტილება აბსოლუტურად უალტერნატივო იყო. ასეთ ვითარებაში, რასაც დღეს ვხედავთ, ჩვენი დელეგაცია არ აპირებს მუშაობის გაგრძელებას ევროპის საბჭოს საპარლამენტო ასამბლეაში. მოხდება დელეგაციის გამოწვევა საქართველოს პარლამენტის მიერ. თუ შეიცვლება დამოკიდებულება ქართველი ხალხის და ჩვენი ქვეყნის მიმართ, ჩვენ, რა თქმა უნდა, დავბრუნდებით ევროსაბჭოს საპარლამენტო ასამბლეაში“, – განაცხადა ირაკლი კობახიძემ.

ცნობისთვის, ევროპის საბჭოს საპარლამენტო ასამბლეამ (PACE) მიიღო რეზოლუცია, რომელიც საქართველოს ხელისუფლებას ახალი საპარლამენტო არჩევნების ჩატარებისკენ, პოლიტპატიმრების გათავისუფლებისკენ და ევროინტეგრაციის გზის გაგრძელებისკენ მოუწოდებს.

დოკუმენტს მხარი 114-მა დეპუტატმა დაუჭირა, 13 წინააღმდეგ წავიდა, ხოლო 7-მა თავი შეიკავა. ამ გადაწყვეტილების საპასუხოდ, „ქართულმა ოცნებამ“ განაცხადა, რომ ევროპის საბჭოს საპარლამენტო ასამბლეაში მუშაობას წყვეტს.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა