2025-01-27 21:45:07, 767 ნახვა
საზოგადოება
რუსთაველის გამზირი კვლავ გადაკეტილია - პროტესტის 61-ე დღე
თბილისი, 27 იანვარი 2025 – რუსთაველის გამზირზე საპროტესტო აქციები 61-ე დღეა გრძელდება. დემონსტრანტები კვლავაც მოითხოვენ ხელახალი საპარლამენტო არჩევნების დანიშვნას და აქციების დროს დაკავებული მოქალაქეების გათავისუფლებას.
აქციის მონაწილეებმა დღეს დილიდან სხვადასხვა ლოკაციიდან მსვლელობები გამართეს, რის შემდეგაც პარლამენტის შენობის წინ შეიკრიბნენ. რუსთაველის გამზირი კვლავ გადაკეტილია.
შეგახსენებთ, რომ საპროტესტო აქციები 28 ნოემბერს დაიწყო, მას შემდეგ, რაც ხელისუფლებამ განაცხადა, რომ საქართველო 2028 წლამდე ევროკავშირთან მოლაპარაკებების გახსნის საკითხს დღის წესრიგში არ დააყენებს. ამ გადაწყვეტილებამ საზოგადოების ნაწილის უკმაყოფილება გამოიწვია, რასაც მასშტაბური დემონსტრაციები მოჰყვა.
ავტორი: ექსპრესნიუსი,
epn.ge (@expressnews.ge)
