მოქალაქეებმა ქეთევან ჯაჭვაძეს დაბადების დღე საპროტესტო წარწერებით მიულოცეს

2025-01-21 11:49:07, 589 ნახვა

სამართალი

მოსამართლეს, რომელმაც ჯგუფური ძალადობის ბრალდებით, 11 დაკავებული პატიმრობაში დატოვა, მოქალაქეებმა დაბადების დღე საპროტესტო წარწერებით მიულოცეს.

"მონა", "რუბლებზე გაყიდული" - ასეთი სიტყვებითაა აჭრელებული ახლა ქეთევან ჯაჭვაძის საცხოვრებელი სახლის კარი და სადარბაზო. ეზოში კი რეჟიმის მოსამართლეს დიდი ასოებით დაუწერეს "თავისუფლება რეჟიმის პატიმრებს".

„დღეს დაბადების დღე მივულოცეთ, ბიძინას რუსულ რუბლებზე გაყიდულ, მონა მოსამართლე ქეთევან ჯაჭვაძეს

ყველასთან მოვალთ!

თავისუფლება რუსული რეჟიმის ტყვეებს!“

შეგახსენებთ, რომ მოსამართლე ქეთევან ჯაჭვაძემ ონისე ცხადაძე, ანდრო ჭიჭინაძე და კიდევ 9 დაკავებული პატიმრობაში დატოვა - გადაწყვეტილება მოსამართლემ 10 იანვარს გამოაცხადა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,