იურისტ ეკა ბესელიას განცხადებით, ცარიელი სიტყვებია „ქართული ოცნების“ განცხადება, რომელიც 2003-12 წლებში მოქმედი ხელისუფლების საქმიანობის შესწავლას ეხება. ბესელიას შეფასებით, ეს ყველაფერი ფარსი და ტყუილია.

„ყველაფერი ისეთი ტყუილი და ცარიელი სიტყვებია, რომ 12 წლის მერე რომ ამას ლაპარაკობენ, ვის ატყუებენ, საკუთარ თავს იტყუებენ? ვინმეს სჯერა ამ სისულელის? პარტიის აკრძალვა პარლამენტში საერთოდ არ ხდება. ამით უკვე ესენი ერთმანეთს ატყუებენ. აღარ ვიცი, ვის სჭირდება ასეთი მდარე ინფორმაციის გაზიარება, ასეთი სისულელეების მოსმენა“, - განაცხადა ეკა ბესელიამ.

შეგახსენებთ, საპარლამენტო უმრავლესობის ლიდერმა მამუკა მდინარაძემ განაცხადა, რომ საგაზაფხულო სესიის პირველივე კვირაში შეიქმნება 2003-12 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისია - საქართველოს პარლამენტის მიერ დამტკიცებული დასკვნა გადაეცემა საქართველოს პროკურატურას და სხვა შესაბამის ორგანოებს საქართველოს კანონმდებლობის შესაბამისად შემდგომი ზომების მიღებისა და დამნაშავეთა დასჯის უზრუნველყოფის მიზნით.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე