2025-01-04 13:17:44, 458 ნახვა
პოლიტიკა
ვოლოდიმირ ზელენსკი მაიკ ჯონსონს აშშ-ის წარმომადგენელთა პალატის სპიკერად არჩევას ულოცავს
უკრაინის პრეზიდენტი, ვოლოდიმირ ზელენსკი მაიკ ჯონსონს აშშ-ის წარმომადგენელთა პალატის სპიკერად არჩევას ულოცავს.
ამის შესახებ ვოლოდიმირ ზელენსკი სოციალურ ქსელში წერს.
„აშშ-ის 119-ე მოწვევის კონგრესს პირველი საკანონმდებლო სესიის დაწყებას და მაიკ ჯონსონს წარმომადგენელთა პალატის სპიკერად არჩევას ვულოცავ“, - წერს ვოლოდიმირ ზელენსკი.
უკრაინის პრეზიდენტმა მაიკ ჯონსონს წარმატებები უსურვა და აღნიშნა, რომ აშშ-ის კონგრესის ორპალატიანმა და ორპარტიულმა მხარდაჭერამ უკრაინას საშუალება მისცა, რომ ათასობით ადამიანის სიცოცხლე გადაერჩინა.
შეგახსენებთ, კონგრესმენი მაიკ ჯონსონი (რესპუბლიკური პარტია) აშშ-ის წარმომადგენელთა პალატამ სპიკერის თანამდებობაზე 218 ხმით აირჩია.
ავტორი: ექსპრესნიუსი,
epn.ge (@expressnews.ge)
