შსს-მ მატარებლის დაჯახების შედეგად მამაკაცის გარდაცვალების ფაქტზე გამოძიება დაიწყო

2016-03-02 11:53:13, 755 ნახვა

სამართალი

შინაგან საქმეთა სამინისტრომ დიდუბის ავტოსადგურის მიმდებარე ტერიტორიაზე მომხდარ შემთხვევასთან დაკავშირებით გამოძიება დაიწყო.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, გამოძიება სსკ-ის 275-ე მუხლით მიმდინარეობს, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

შეგახსენებთ, დიდუბის ავტოსადგურის ტერიტორიაზე მამაკაცს მატარებელი დაეჯახა. მამაკაცი ადგილზე გარდაიცვალა.

თვითმხილველების თქმით, მამაკაცს მატარებლის მემანქანემ გზიდან გადასვლის თაობაზე საყვირით გაფრთხილება მისცა, თუმცა მან სარკინიგზო ხაზზე გადასვლა ვერ მოასწრო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან