დღეს აბსოლუტურად განსხვავებული მოცემულობაა - ჩვენი ქვეყნის მოსახლეობამ ძალიან ბევრი ინფორმაცია მიიღო, როგორ ხდება ფერადი რევოლუციები, რა სცენარით იმართება და ვინ მართავს ამ ყველაფერს,- ამის შესახებ თბილისის მერმა, კახა კალაძემ განაცხადა

მისი თქმით, აქციების მამოძრავებელი არის ის, რომ ოპოზიცია საპარლამენტო არჩევნებში დამარცხებას ვერ ეგუება.

„სახელმძღვანელოები დაუძველდათ უბრალოდ, იმიტომ, რომ ყველაფერი ცხადი და ნათელია, ყველაფერი გაშიფრულია. დღეს, აბსოლუტურად განსხვავებული მოცემულობაა - ჩვენი ქვეყნის მოსახლეობამ ძალიან ბევრი ინფორმაცია მიიღო, როგორ ხდება ფერადი რევოლუციები, რა სცენარით იმართება, ვინ მართავს ამ ყველაფერს, ყველაფერი გაშიფრულია, ყველაფერი დევს ხელის გულზე. თავიდან ხომ გახსოვთ, როდესაც 28 ნოემბერს პრემიერ-მინისტრმა გამოაცხადა ამ შანტაჟის წინააღმდეგ ჩვენი დამოკიდებულება, გამოვიდა ხალხი და საუბარი იყო, თითქოს ევროინტეგრაციას ვაჩერებთ. გაირკვა, რომ ეს იყო ტყუილი და არასწორი ინფორმაცია. ჩვენ როგორ შეიძლება შევაჩეროთ ევროინტეგრაციის პროცესი, პირიქით, ვთქვით, რომ გახსენით მოლაპარაკების პროცესი და მზად ვართ, დღესვე მოვაწეროთ ხელი. ბურთი მათ მხარესაა, მათ უნდა მიიღონ გადაწყვეტილება მოლაპარაკებების გახსნასთან დაკავშირებით. ჩვენ ყველაფერს ვაკეთებთ ამ გზაზე და ასე გაგრძელდება მომავალში.  დღეს უკვე ხომ ხვდებით, რა იყო ამ აქციების ძირითადი მიზეზი და მამოძრავებელი? ისინი ვერ ეგუებიან იმას, რომ 26 ოქტომბერს დამარცხდნენ საპარლამენტო არჩევნებში. ისინი ასევე დამარცხდნენ 14 დეკემბერს საპრეზიდენტო არჩევნებში. ეს არის მოცემულობა, რომელთან შეგუება აუცილებლად მოუწევთ, როგორც ქვეყნის შიგნით, ასევე, ქვეყნის გარეთ. მოუწევთ შეგუება იმაზე, რომ ქვეყანაში ჩვენ გვექნება მშვიდობა, განვითარება და წინსვლა“,- განაცხადა კალაძემ.

ავტორი: NS (სტატია დაფინანსებულია),

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა