„ძლიერი საქართველოს“ ერთ-ერთი ლიდერი ალეკო ელისაშვილი პატიმრობიდან გათავისუფლდა.

ელისაშვილს აღკვეთის ღონისძიების სახით შეფარდებული პატიმრობა 4 000-ლარიანი გირაოს სანაცვლოდ შეეცვალა.

აღნიშნული გადაწყვეტილება დღეს თბილისის საქალაქო სასამართლოს მოსამართლე ლევან გელოვანმა გამოაცხადა.

აღსანიშნავია, რომ ალეკო ელისაშვილისთვის პატიმრობის შეცვლის შუამდგომლობით სასამართლოს პროკურატურამ მიმართა.

შეგახსენებთ, „ძლიერი საქართველოს“ ლიდერის, ალეკო ელისაშვილის დაკავება თბილისში, 4დეკემბერს, სასტუმრო „ქორთიარდ მარიოტთან“ მას შემდეგ მოხდა, რაც 4 ბარიერგადალახული ოპოზიციური პარტიის წარმომადგენლებს ქუჩაში უცნობი პირები დახვდნენ და მათ შორის სიტყვიერ და ფიზიკურ დაპირისპირებას ჰქონდა ადგილი. ელისაშვილს ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) ჰქონდა წარდგენილი, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა